Ôi nđaơ (16/11), kruanh UBND n’gor Dak Lak lĕ râng tâm nchră đah 350 cán bộ hội, hội viên ƀon lan, ntoh măt an rlău 194 rbăn hội viên tâm lam n’gor ta “Rƀŭn nchră tâm nchră đah kruanh UBND n’gor n’hanh ƀon lan năm 2023”. Đah bôk nău “N’hao uĕh ndơ lŏ mir, nkra njêng-tăch rgâl ndơ lŏ mir đăp mpăn, mât uănh ntŭk ntô gŭ âm”, kruanh n’gor Dak Lak lĕ dơi geh bơi 100 nău ôp bah nuĭh ƀon lan njuăl tât.

Ta rƀŭn nchră, kruanh n’gor lĕ ơh na nê̆ 16 nău ôp geh tât hun hao lŏ mir ta ntŭk. Aơ lah năm tal 2, Kruanh n’gor Dak Lak tâm nchră đah nuĭh ƀon lan gay djăt, rgum ăp nău rgop n’hanh uănh mĭn tay, ntrŭnh, ntĭm rđău ăp n’gâng kan, nău kan ngăch geh trong mkra dôh rklaih jêr jŏt, wăk kol tâm nkra njêng lŏ mir bah n’gor.