Kêng măng 20-11, Mpôl kan joi trong tăch rgâl mhe kan nsum đah mpôl đă hăn kan Liên minh châu Âu ta Việt Nam, Cục Mât njrăng si tăm, Hiệp hội tiêu n’hanh tơm tê̆ trău Việt Nam ƀư n’glôch jêh trong nchrăp “Ntrŭt ntrôl ƀư njêng n’hanh tăch rgâl jŏ jong tiêu Việt Nam”. Trong nchrăp dơi tĭng ƀư tâm lvang năm 2021 - 2023 ta 3 n’gor Dak Lak, Dak Nông n’hanh Gia Lai.

Rlău 3 năm an ƀư, trong nchrăp hŏ rgop rgâl nău rêh bah bơi 8.000 rnăk ƀon lan tăm tiêu ta rnoh neh hvi 8.500 ha; kơl ăp doanh nghiệp ƀư njêng, nkret njêng tiêu geh tơm ndơ nkret njêng đăp mpăn. Trong nchrăp hŏ rgum nău tât râng bah 12 doanh nghiệp, hợp tác xã ƀư njêng n’hanh tăch n’gluh tiêu bôk năp Việt Nam; 14 rmôt rhŏ dŏng nău kan tuch tăm dơi njêng gay pă an ndơ rhŏ dŏng nău kan tuch tăm, mbơh nti n’hanh groi nđôi nău dŏng dak si geh nău dơn kan bah nuĭh ƀon lan kan lŏ mir. Tâm 3 năm, 160 rơh kơi năp nti an ƀon lan kan lŏ mir, rgop mbơh gĭt jru hvi n’hanh ntĭm nti dŏng nău kan tuch tăm uĕh./.