Nar ntri (17/11), ta nkual ƀon têh Pleiku, Gia Lai, Ntŭk rgum ntrŭt nsôr tuch tăm mât rong gưl neh dak ƀư tâm nchră “Ntrŭt nsôr tuch tăm mât rong nsum mpôl hun hao nkual tăm cà phê Tây Nguyên”. Tâm bah ri aơ, ăp rmôt ntrŭt nsôr tuch tăm mât rong nsum mpôl hŏ ntop kơl ƀon lan, ăp hợp tác xã mpeh kỹ thuật mât chăm cà phê tĭng ăp rnoh di, pơk hvi nkual tăm cà phê jŏ jong gay n’hao rnoh khlay.

 Tâm nê, trong ntĭt leo ntrŭt nsôr tuch tăm mât rong nsum mpôl ta n’gor Kon Tum dơi rnê âk nơm geh nău ndrel hăn bơi 400 rnăk ƀon lan, ƀư njêng 2000 tấn cà phê rnglăy di rnoh 4C. Lôch rnôk djăt  ăp nău rgop mpeh nău n’hao dơi kan bah ăp rmôt ntrŭt nsôr tuch tăm mât rong nsum mpôl, wa Lê Quốc Thanh, Giám đốc Ntŭk rgum ntrŭt nsôr tuch tăm mât rong gưl neh dak an gĭt, Ntŭk rgum ntrŭt nsôr tuch tăm mât rong gưl neh dak way hăn ndrel, ntop kơl gay n’hao dăng nău kan an ăp rmôt ntrŭt nsôr tuch tăm mât rong nsum mpôl ta nkual tăm cà phê ta Tây Nguyên.