Ta rơh rƀŭn nchră, lĕ rngôch ăp nău trâm rgop an lah: Nău leo kan rnoh dak tâm ăp nău tât ndal geh dŭt khlăy ngăn ta trong hun hao wăng sa- rêh jêng ngăch n’hanh nâp nâl.

Ƀư tĭng nkô̆ nău nchrăp kan n’hanh ƀư na nê̆ ăp nkô̆ mpŏng, nău kan, Nău nchrăp n’hanh trong kan mbơh tơih nău nchrăp njrăng, rdâng nău tât bâh mih sial n’hanh dak bât rơh năm 2021-2030, mpŏng uănh tât năm 2050, groi kruanh n’gâng kan tuch tăm mât rong n’hanh hun hao ƀon lan Nguyễn Hoàng Hiệp đă ăp ntŭk kan, n’gâng  tâm rgop na nê̆ đah ăp n’gâng kan, ntŭk kan n’hanh đă mpeh ăp ntŭk kan, n’gâng kan tâm rgop na nê̆ ăp n’gâng kan ntŭk kan ntrôl dăng nău mbơh tơih, mbơh n’hơ ăp nkô̆ nău tơm khlăy bâh nău nchrăp tât ăp gâl kan, ăp ntŭk kan, ăp ntŭk leo kan, gay ma njêng nău dơn ngoăy mpeh nău gĭt vât n’hanh nău nsrôih âk, pah kan răng dăng. săk rnglăy tâm nău ƀư tĭng nchrăp kan.