Ta Cần Thơ, tâm ôi lơ 3/11, Hiệp hội lương thực Việt Nam n’hanh BizLive tâm rgop đah ntŭk kan tâm nchră ăp năm “Geh n’hao săk rnglăy nău khlăy phe ba Việt Nam”. Rơh tâm nchră geh tâm rnôk ntŭk tăch rgâl phe ba Việt Nam dôl geh âk nău rgâl. Tâm âk khay ba năp rnoh khlăy ndơ aơ geh hao mbro.
Tĭng rnoh kơp bâh n’gâng kan công thương, nchroh tâm 10 khay mhe nơh, tăch phe an dak bah dih geh 700 rbăn tấn, tâm ban dah 433 rkeh đôlarr. Nchroh tâm 10 khay bâ năm aơ tăch an dak bah dih klâp ma 7,1 rkeh tấn phe, đah rnoh khlăy bơi tât 4 rmen đolar, hao 17% mpeh rnoh n’hanh hao 35% mpeh rnoh khlay đah khay aơ năm 2022. Nchroh ntŭk tăch rvăt phe ba tâm năm 2024, tăch phe an dak bah dih bâh Việt Nam năm aơ geh 8 rkeh tấn. Ta rơh tâm nchră, ăp nuĭh way kan n’hanh ndơn kan doanh nghiệp lĕ ntêm âk mông nar gay ma tâm nchră mpeh trong kan công nghệ n’hanh prăk dŏng an n’gâng kan phe ba gay ma dơi geh n’hao nău khlăy ntil ndơ tuch tăm.
Viết bình luận