Luông chự phong bệnh pét pan nẳng bản mương

-------------------

Bệnh lâng pọ nẳng chu pùn tuổi cánh mi xương pét pan pày sắư côn ứn toi lài luông xương tang hà chằư, pày phải nắc, lượt, cánh lài tang ứn.

Sờn Là lỏ phổng đìn phạ đìn lâng mức chưm, vịa kìn dú nhăng báu hê đảy nhẳn pao pẹk sằư, lài pi nọng chựa nọi côn nhăng mi lài hịt hong cáu ké, pưa xương nặn bệnh pét pan cọ hền cướt xình ók lài, cắp lài tàng dịch bệnh, lài phổng cướt xình ók dịch bệnh cá pì xương bệnh pền bả, bệnh chếp ék, chếp pùm tháo tọng, pền bắt pền ày, pền pờ,…

Pưa xương nặn pi nọng pền pồng chằư san khù xương lằng vạy khâng chằư chự phong bệnh pét pan nẳng bản mương, chảnh thí xương lằng:

1. Chơ lăm mo, tay hươn chuốp pét bệnh báu cọ hướng ngơ chuốp pét bệnh, pi nọng báu pền hák dàu dà nẳng hươn, àu xay một xay mò ma khấn tam dàu dà, pi nọng pền àu pày cá cờ sở ỳ tế vạy đảy khám cánh dàu dà lợp tăn vện ník pưng khù báu ngau cướt xình ók cánh dón xìa bệnh pét pan pày sắư côn ứn.

2. Khâng chằư chự phong bệnh cắp vịa tiềm phong tục po chu tàng vắc xin vắc xin.

3. Chự phong bệnh nẳng bản mương toi luông:

- Tọn tăm pẹk sằư bón nặm kìn đìn dú. Chơ non cận đảy càng dắn vạy báu hẳư tồ nhung khốp.

- Chấp năm kìn pẹk dú sằư.

- Chấp năm kìn chương kìn xúc, báu khả chua cánh kìn nhứa pết nhứa cáy pền ha cánh pao quam ngày hẳư chính quyên địa phường, báu cọ cờ quàn thú ỳ, ỳ tế bón chằm nhất vạy kẻ khày lợp tăn./.

ꪩꪺꪉ ꪋꪳ ꪡꪮꪉ ꪹꪛꪸꪉ ꪵꪜꪒ ꪝꪱꪙ ꪀꪺꪉ ꪚꪱꪙ ꪹꪣꪉ

---------------------------

ꪹꪛꪸꪉ ꪹꪨꪷꪉ ꪝꪷ ꪘꪉꪰ ꪋꪴ ꪜꪴꪙ ꪔꪺꪥ  ꪵꪀꪉ ꪣꪲ ꪹꪏꪉ ꪵꪜꪒ ꪜꪱꪙ ꪼꪜ ꪻꪎ ꫛ ꪮꪙꪳ ꪀꪱꪥ ꪕꪱꪉ ꪬꪱ ꪻꪊ , ꪼꪜ ꪠꪱꪥ ꪘꪀꪰ , ꪹꪩꪒ ꪵꪀꪉ ꪨꪱꪥ ꪕꪱꪉ ꪮꪙꪳ.

ꪹꪎꪷꪙ ꪨꪱ ꪨꪷ ꪶꪠꪉ ꪡꪱ ꪒꪲꪙ ꪢꪀꪳ ꪋꪣꪳ , ꪫꪀꪸ ꪀꪲꪙ ꪤꪴ ꪚꪱ ꪐꪽ ꪝꪱꪫ ꪵꪝꪀ ꪻꪎ , ꪨꪱꪥ ꪝꪲ ꪙꪮꪉ ꪹꪋ ꪙꪮꪥ ꫛ ꪣꪲ ꪜꪺꪉ ꪀꪙꪲ ꪹꪓꪷꪥ ꪤꪴ ꪵꪀꪉ ꪭꪒꪲ ꪅꪮꪉ ꪹꪀꪱ ꪵꪀ , ꪹꪝ ꪹꪏꪉ ꪙꪽ ꪹꪛꪸꪉ ꪵꪜꪒ ꪝꪱꪙ ꪁꪷ ꪹꪬꪸꪙ ꪹꪀꪒ ꪎꪲꪉ ꪮꪮꪀ ꪨꪱꪤ , ꪀꪚꪰ ꪨꪱꪥ ꪔꪱꪈ ꪥꪀꪲ ꪹꪛꪸꪉ , ꪨꪱꪥ ꪶꪠꪉ ꪹꪀꪒ ꪎꪉꪲ ꪮꪮꪀ ꪥꪀꪲ ꪹꪛꪸꪉ ꪀꪱ ꪜꪲ ꪹꪏꪉ ꪹꪛꪸꪉ ꪹꪜꪸꪙ ꪚꪱ , ꪹꪊꪸꪚ ꪵꪮꪀ ꪹꪊꪸꪚ ꪜꪴꪣ ꪖꪱꪫ ꪕꪮꪉ , ꪹꪜꪸꪙ ꪚꪒꪰ ꪹꪜꪸꪙ ꪼꪮ , ꪹꪜꪸꪙ ꪹꪜꪷ,…

ꪹꪝ ꪹꪏꪉ ꪙꪰ ꪝꪲ ꪙꪮꪉ ꪹꪜꪸꪙ ꪶꪜꪉ ꪻꪊ ꪏꪱꪙ ꪄꪴ ꪹꪏꪉ ꪨꪉꪰ ꪼꪫ ꪋꪳ ꪡꪮꪉ ꪥꪀꪲ ꪹꪛꪸꪉ ꪀꪺꪉ ꪚꪱꪙ ꪹꪣꪉ , ꪵꪊꪉ ꪖꪲ ꪹꪏꪉ ꪨꪉꪰ:

1. ꪹꪊꪷ ꪩꪾ ꪣꪷ , ꪼꪕ ꪹꪭꪙ ꪊꪺꪚ ꪵꪜꪒ ꪹꪛꪉ ꪹꪛꪱ ꪁꪷ ꪹꪬꪉ ꪹꪉꪷ ꪵꪜꪒ ꪹꪛꪸꪉ , ꪝꪲ ꪙꪮꪉ ꪹꪚꪱ ꪹꪜꪸꪙ ꪬꪱꪀ ꪹꪤꪱ ꪤꪱ ꪘꪉꪰ ꪹꪭꪙ , ꪹꪚꪱ ꪹꪜꪸꪙ ꪹꪮꪱ ꪼꪏ ꪶꪣꪒ  ꪏꪔ ꪢꪷ ꪢꪱ ꪹꪄꪷꪙ ꪕꪱꪣ , ꪝꪲ ꪙꪮꪉ ꪹꪜꪸꪙ ꪼꪜ ꪀꪱ ꪹꪀꪷ ꪹꪎꪷ ꪮꪲ ꪹꪔꪸ ꪼꪫ ꪼꪒ ꪄꪱꪣ ꪤꪱ ꪹꪩꪷꪚ ꪕꪽ ꪹꪫꪸꪙ ꪘꪀꪲ ꪝꪉꪳ ꪄꪴ ꪹꪚꪱ ꪹꪉꪱ ꪣꪲ ꪹꪏꪉ ꪹꪀꪒ ꪎꪉꪲ ꪮꪮꪀ ꪵꪀꪉ ꪵꪜꪒ ꪝꪱꪙ ꪼꪜ ꪻꪎ ꫛ ꪮꪙꪳ.

2. ꪹꪅꪷꪉ ꪻꪊ ꪋꪳ ꪡꪮꪉ ꪹꪛꪸꪉ ꪀꪚꪰ ꪫꪀꪸ ꪔꪣꪸ ꪡꪮꪉ ꪕꪀꪴ ꪝꪷ ꪋꪴ ꪔꪱꪉ ꪪꪀꪰ ꪏꪙꪲ.

3. ꪋꪳ ꪡꪮꪉ ꪹꪛꪸꪉ ꪵꪜꪒ ꪝꪱꪙ ꪀꪺꪉ ꪚꪱꪙ ꪹꪣꪉ ꪕꪮꪥ ꪩꪺꪉ:

- ꪕꪮꪙ ꪕꪾ ꪵꪝꪀ ꪻꪎ ꪚꪮꪙ ꪙꪾ ꪀꪙꪲ ꪒꪙꪲ ꪤꪴ. ꪹꪋꪷ ꪙꪮꪙ ꪹꪁꪷꪙ ꪼꪒ ꪀꪱꪉ ꪦꪽ ꪼꪫ ꪚꪱ ꪻꪬ ꪶꪔ ꪑꪉꪴ ꪶꪄꪚ.

- ꪹꪊꪷꪚ ꪙꪾ ꪀꪙꪲ ꪵꪝꪀ ꪤꪴ ꪻꪎ.

- ꪹꪊꪷꪚ ꪙꪷ ꪀꪙꪲ ꪹꪋꪉ ꪀꪲꪙ ꪎꪴꪀ , ꪹꪚꪱ ꪄꪱ ꪋꪺ ꪵꪀꪉ ꪀꪲꪙ ꪹꪐ ꪹꪜꪸꪒ ꪼꪀ ꪹꪜꪸꪙ ꪬꪱ ꪵꪀꪉ ꪜꪱꪫ ꪁꪫꪱꪣ ꪻꪬ ꪊꪉꪲ ꪁꪫꪙꪸ ꪒꪸ ꪹꪠꪉ ꪹꪚꪱ ꪁꪷ ꪹꪀꪷ ꪀꪫꪱꪙ ꪖꪴ ꪮꪲ ꪚꪮꪙ ꪊꪾ ꪹꪐꪷꪒ ꪼꪫ ꪹꪀꪷ ꪼꪄ ꪹꪩꪷꪚ ꪕꪽ.

Hồng Việt – Thành dịch