Mi xương hák cóp hôm Bảo hiểm xã hội vạy đảy hưởng ngơn lường hưu cắp mức xùng?

          Ma tang nả vịa nị, BHXH Việt nàm tóp quam xương lằng:

          Toi tặt pùn nẳng Điểm a Khoản 1 Điều 54 Luật BHXH pì 2014 hư côn đảy hưởng lường hưu phủ trai tục po 60 pì, nhinh tục po 55 pì táo khửn, mi tục po 20 pì nộp BHXH táo khửn.

          Pâng xắư tặt pùn nẳng Khoản 2 Điều 56 Luật Bảo hiểm xã hội pì 2014, ngơn lường hưu to 45% mức pằn pâng ngơn lường hạng bườn nộp BHXH đảy tính tà xương lằng: Côn dệt dượn trai dặng hưu cuồng pì 2018 lỏ 16 pì, pì 2019 lỏ 17 pì, pì 2020 lỏ 18 pì, pì 2021 lỏ 19 pì, té pì 2022 táo pày lỏ 20 pì; Côn dệt dượn nhinh dặng hưu té pì 2018 táo pày lỏ 15 pì; Lằng nặn cứ tứm mỏi pì nộp BHXH hư tênh cá côn dệt dượn trai cánh côn dệt dượn nhinh đảy tính tứm 2%, mức lài nhất lỏ to 75%.

          Toi tặt pùn nẳng Khoản 4 Điều 2 Luật BHXH pì 2014; Điều 6, Điều 9 cánh Điều 10 Nghị định số 134/2015/NĐ-CP mự 29/`13/2015 khòng Chính phủ tặt pùn chảnh thí san Điều khòng Luật BHXH ma tang BHXH hák nộp hư: Côn hák muôn chằư xự BHXH lỏ công dần Việt Nàm tục po 15 pì táo khửn cánh báu chư côn pắt chôm hặp bảo hiểm xã hội.

          Luông nộp BHXH: Hạng bườn, 3 bườn, 6 bườn , 12 bườn tưa nưng; tưa nưng nọpp hẳư lài pì nhăng đút thiếu đối cắp côn chôm hặp BHXH tục po pùn tuổi đảy hưởng ngơn lường hưu toi tặt pùn hák va dan nộp bảo hiểm nhăng đút thiếu báu cài 10 pì( 120 bườn) hư đảy nộp hẳư tục po 20 pì vạy đảy hưởng ngơn lường hưu.

          Mức nộp BHXH hạng bườn to 22% mức thù nhập hạng bườn đảy côn chôm hặp BHXH hák muôn chằư nộp lựa chọn tắm nhất to mức tặt pùn chua hươn cặt khòng phổng bản na toi tặt pùn khòng Thủ tướng Chính phủ cánh xùng nhất lỏ to 20 tưa mức lường cơ sở nẳng dan nộp.

          Le xắư pưng tặt pùn vạu nừa, va họt pì 2024 pả Phạm Châu dặng hưu( dặng vịa,  báu chư côn pắt chôm hặp BHXH), tục po 55 pì, nhăng thiếu 5 pì nộp BHXH vạy đảy hưởng lường hưu cắp mức xùng ( to 75% mức pằn pâng ngơn lường bườn nộp BHXH) hư pả Châu mi xương xứp tàm hák muôn chằư nộp BHXH toi luông: Hạng bườn, 3 bườn, 6 bườn, 12 bườn tưa nưng; nộp tưa nưng hẳư lài pì lằng tặm họt chư tục po 30 pì nộp BHXH táo khửn vạy đảy hưởng lường hưu cắp mức xùng.

          Va pả Châu tục po 55 pì mi dan nộp BHXH tục po 20 pì táo khửn hư báu men côn đảy nộp BHXH tưa nưng hẳư 5 pì vạy đảy hưởng ngày ( Nặp té bườn diên pày lằng bườn nộp tục po số ngơn tưa nưng hẳư 5 pì) lường hưu cắp mức xùng./.

                                                                                                                                                              Thanh Thuỷ-Huyền dịch

ꪣꪲ ꪹꪏꪉ ꪬꪱꪀ ꪶꪙꪚ ꫄ꪉꪙ ꪚꪱꪫ ꪬꪣꪸ ꪎꪱ ꪶꪭꪥ ꪼꪫ ꪼꪒ ꪹꪬꪉ ꫄ꪉꪙ ꪹꪨꪉ ꪭꪫꪲ ꪀꪚꪾ ꪢꪀꪳ ꪎꪉꪴ

          ꪣꪱ ꪕꪱꪉ ꪘꪱ ꪫꪀꪸ ꪙꪲ ,ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪕꪮꪚ ꪁꪫꪱꪣ ꪹꪏꪉ ꪨꪉꪰ:

          ꪕꪮꪥ ꪕꪒꪰ ꪜꪙꪴ ꪘꪉꪰ ꪒꪣꪸ ꪯꪱ ꪄꪫꪱꪙ ꫜ ꪒꪫꪸ 54 ꪩꪺꪒ ꪚꪱꪫ ꪬꪣꪸ ꪎꪱ ꪶꪭꪥ ꪜꪲꪠ 2014 ꪭꪳ ꫛ ꪼꪒ ꪹꪬꪉ ꪹꪨꪉ ꪭꪫꪲ ꪠꪴ ꪋꪱꪥ ꪕꪀꪴ ꪝꪷ 60 ꪜꪲ ,ꪑꪉꪲ ꪕꪀꪴ ꪝꪷ 55 ꪜꪲ ꪔꪱꪫ ꪄꪙꪳ ,ꪶꪙꪚ ꪕꪀꪴ ꪝꪷ 20 ꪜꪲ ꪚꪱꪫ ꪬꪣꪸ ꪎꪱ ꪶꪭꪥ ꪔꪱꪫ ꪄꪙꪳ.

          ꫄ꪝꪉ ꪻꪎ ꪕꪒꪰ ꪜꪙꪴ ꪘꪉꪰ ꪄꪫꪱꪙ 2 ꪒꪫꪸ 56 ꪩꪺꪒ ꪚꪱꪫ ꪬꪣꪸ ꪎꪱ ꪶꪭꪥ ꪜꪲ 2014 ,꫄ꪉꪙ ꪹꪨꪉ ꪭꪫꪲ ꪕꪷ 45% ꪢꪀꪳ ꪜꪽ ꫄ꪝꪉ ꫃ꪉꪙ ꪹꪨꪉ ꪭꪱꪉ ꪹꪚꪙ ꪶꪙꪚ ꪚꪱꪫ ꪬꪣꪲ ꪎꪱ ꪶꪭꪥ ꪼꪒ ꪔꪭꪲ ꪔꪱ ꪹꪏꪉ ꪨꪉꪰ: ꫛ ꫃ꪥꪒ ꪹꪥꪙ ꪋꪱꪥ ꪥꪉꪰ ꪭꪫꪲ ꪶꪀꪉ ꪜꪲ 2018 ꪨꪷ 16 ꪜꪲ , ꪜꪲ 2019 ꪨꪷ 17 ꪜꪲ, ꪜꪲ 2020 ꪨꪷ 18 ꪜꪲ, ꪜꪲ 2021 ꪨꪷ 19 ꪜꪲ, ꪵꪔ ꪜꪲ 2022 ꪔꪱꪫ ꪼꪜ ꪨꪷ 20 ꪜꪲ; ꫛ ꫃ꪤꪒ ꪹꪥꪙ ꪑꪉꪲ ꪥꪉꪰ ꪭꪫꪲ ꪵꪔ ꪜꪲ 2018 ꪔꪱꪫ ꪼꪜ ꪨꪷ 15 ꪜꪲ; ꪨꪉꪰ ꪙꪽ ꪁꪳ ꪔꪣꪳ ꪢꪮꪥ ꪜꪲ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ ꪭꪳ ꫃ꪕꪉ ꪀꪱ ꫛ ꫃ꪥꪒ ꪹꪥꪙ ꪋꪱꪥ ꪵꪀꪉ ꫛ ꫃ꪥꪒ ꪹꪥꪙ ꪑꪉꪲ ꪼꪒ ꪔꪉꪲ ꪔꪣꪳ 2% ,ꪢꪀꪳ ꪨꪱꪥ ꫄ꪐꪒ ꪨꪷ 75%.

          ꪕꪮꪥ ꪕꪒꪰ ꪜꪙꪴ ꪘꪉꪰ ꪄꪫꪱꪙ 4 ꪒꪫꪸ 2 ꪩꪺꪒ ꪚꪱꪫ ꪬꪣꪸ ꪎꪱ ꪶꪭꪥ ꪜꪲ 2014; ꪒꪫꪸ 6, ꪒꪫꪸ 9 ꪵꪀꪉ ꪒꪫꪸ 10 ꪉꪲ ꪓꪉꪲ ꪶꪎ 134.2015 ꪣꪳ 29.12.2015 ꪄꪮꪉ ꪊꪉꪲ ꪠꪴ ꪕꪒꪰ ꪜꪙꪴ ꪵꪊꪉ ꪖꪲ ꪏꪱꪙ ꪒꪫꪸ ꪄꪮꪉ ꪩꪺꪒ ꪚꪱꪫ ꪬꪣꪸ ꪎꪱ ꪶꪭꪥ ꪣꪱ ꪔꪱꪉ ꪬꪱꪀ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ: ꫛ ꪬꪱꪀ ꪏꪳ ꪚꪱꪫ ꪬꪣꪸ ꪎꪱ ꪶꪭꪥ ꪨꪷ ꪶꪀꪉ ꫄ꪤꪙ ꪫꪒꪸ ꪘꪱꪣ ꪕꪀꪴ ꪜꪷ 15 ꪜꪲ ꪔꪱꪫ ꪄꪙꪳ ꪵꪀꪉ ꪹꪚꪱ ꪋꪳ ꫛ ꪜꪒꪰ ꪶꪋꪣ ꪭꪚꪾ ꪚꪱꪫ ꪬꪣꪸ ꪎꪱ ꪶꪭꪥ.

          ꪩꪺꪉ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ: ꪭꪱꪉ ꪹꪚꪙ ,3 ꪹꪚꪙ ,6 ꪹꪚꪙ ,12 ꪹꪚꪙ ꪹꪕ ꫜ; ꪹꪔ ꫜ ꪶꪙꪚ ꪻꪬ ꪨꪱꪥ ꪜꪲ ꪑꪉꪰ ꪒꪴꪒ ꪖꪫꪸ ꪶꪒꪥ ꪀꪚꪾ ꫛ ꪶꪋꪣ ꪭꪚꪾ ꪚꪱꪫ ꪬꪣꪲ ꪎꪱ ꪶꪭꪥ ꪕꪀꪴ ꪝꪷ ꪜꪙꪴ ꪔꪺꪥ ꪼꪒ ꪹꪬꪉ ꫄ꪉꪙ ꪹꪨꪉ ꪭꪫꪲ ꪕꪮꪥ ꪕꪒꪰ ꪜꪙꪴ ꪬꪱꪀ ꪫꪱ ꪥꪱꪙ ꪶꪙꪚ ꪚꪱꪫ ꪬꪣꪸ ꪑꪉꪰ ꪒꪒꪴ ꪖꪫꪸ ꪹꪚꪱ ꪀꪱꪥ 10 ꪜꪲ ꪭꪳ ꪼꪒ ꪶꪙꪚ ꪻꪬ ꪕꪀꪴ ꪝꪷ 20 ꪜꪲ ꪼꪫ ꪼꪒ ꪹꪬꪉ ꫄ꪉꪙ ꪹꪨꪉ ꪭꪫꪲ.

          ꪢꪀꪳ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ ꪭꪱꪉ ꪹꪚꪙ ꪕꪷ 22% ꪢꪀꪳ ꪖꪴ ꫄ꪑꪚ ꪭꪱꪉ ꪹꪚꪙ ꪼꪒ ꫛ ꪶꪋꪣ ꪭꪚꪾ ꪚꪱꪫ ꪬꪣꪲ ꪎꪱ ꪶꪭꪥ ꪬꪱꪀ ꪣꪺꪙ ꪻꪊ ꪶꪙꪚ ꪼꪒ ꪹꪩꪀ ꪋꪮꪙ ꪢꪀꪳ ꪔꪷ ꫄ꪐꪒ ꪕꪷ ꪢꪀꪳ ꪕꪒꪽ ꪜꪙꪴ ꪋꪺ ꪹꪭꪙ ꪁꪒꪰ ꪄꪮꪉ ꪶꪠꪉ ꪚꪱꪙ ꪙꪱ ꪕꪮꪥ ꪔꪒꪰ ꪜꪙꪴ ꪄꪮꪉ ꪖꪴ ꪹꪖꪉ ꪊꪉꪲ ꪠꪴ.

          ꫄ꪝꪉ ꪻꪎ ꪝꪉꪳ ꪕꪒꪰ ꪜꪙꪴ ꪹꪫꪱ ꪹꪘ ꪫꪱ ꪭꪮꪒ ꪜꪲ 2024 ꪜꪱ ꪹꪊꪱ ꪥꪉꪰ ꪭꪫꪲ, ꪕꪀꪴ ꪝꪷ 55 ꪜꪲ , ꪑꪉꪰ ꪖꪫꪸ 5 ꪜꪲ  ꪶꪙꪚ ꪚꪱꪫ ꪬꪣꪲ ꪎꪱ ꪶꪭꪥ ꪼꪫ ꪼꪒ ꪹꪬꪉ ꫄ꪉꪙ ꪹꪨꪉ ꪭꪫꪲ ꪀꪚꪾ ꪢꪀꪳ ꪎꪉꪴ, ꪭꪴ ꪜꪱ ꪹꪊꪱ ꪣꪲ ꪹꪏꪉ ꪎꪚꪳ ꪔꪱꪣ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ ꪕꪮꪥ ꪩꪺꪉ: ꪭꪱꪉ ꪹꪚꪙ ,3 ꪹꪚꪙ ,6 ꪹꪚꪙ ,12 ꪹꪚꪙ ꪹꪕ ꫜ; ꪶꪙꪚ ꪹꪔ ꫜ ꪼꪬ ꪨꪱꪥ ꪜꪲ ꪨꪉꪰ ꪕꪾ ꪭꪮꪒ ꫄ꪋ ꪕꪀꪴ ꪝꪷ 30 ꪜꪲ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ ꪔꪱꪫ ꪄꪙꪳ ꪼꪫ ꪼꪒ ꪹꪬꪉ ꫄ꪉꪙ ꪹꪨꪉ ꪭꪫꪲ ꪀꪚꪾ ꪢꪀꪳ ꪎꪉꪴ.

          ꪫꪱ ꪜꪱ ꪹꪊꪱ ꪕꪀꪴ ꪝꪷ 55 ꪜꪲ ꪣꪲ ꪥꪱꪙ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ ꪕꪀꪴ ꪝꪷ 20 ꪜꪲ ꪔꪱꪫ ꪄꪙꪳ ꪭꪳ ꪹꪚꪱ ꪼꪒ ꪶꪙꪚ ꪚꪱꪫ ꪬꪣꪲ ꪎꪱ ꪶꪭꪥ ꪹꪕ ꫜ ꪻꪬ 5 ꪜꪲ ꪼꪫ ꪼꪒ ꪹꪬꪉ ꫄ꪉꪙ ꪹꪨꪉ ꪼꪈ ( ꪙꪚꪾ ꪵꪔ ꪹꪚꪙ ꪥꪙꪸ ꪼꪜ ꪨꪉꪰ ꪹꪚꪙ ꪶꪙꪚ ꪕꪀꪴ ꪝꪷ ꪶꪎ ꫄ꪉꪙ ꪹꪕ ꫜ ꪻꪬ 5 ꪜꪲ) ꪹꪨꪉ ꪭꪫꪲ ꪀꪚꪾ ꪢꪀꪳ ꪎꪉꪴ.

ꪹꪩꪉ ꪬꪫꪙꪸ ꪥꪀꪲ