Thàm tóp ma tang củ ngơn cốc nẳng Agribank

          Pi nọng phăng đài Vi Thị Tiện, xã Tú Nang, huyện yền Châu, tỉnh Sơn La thàm: Nẳng bón khỏi dú chu côn va hịa chơ củ ngơn cốc ngần hang đảy àu sổ đành pày mùn. Hák va, khỏi báu ék àu sổ đành pày mùn. Cận nọk àu sổ đành pày mùn hư xum khỏi củ ngơn cốc nẳng Ngần hang nông nghiệp mả pe bản na, xum khỏi mi xương àu chương khòng ứn pày mùn đảy va báu?

          Tóp: “ Nẳng Khoản 1 Điều 4 Quyết định số 35/QĐ-HĐTV-HSX, mự 15/1/2014 khòng Hội đông thành viền ngần hang Nông nghiệp mả pe bản na ma tang tặt ók luông pùn ma tang củ ngơn cốc: Chương khòng nhẳn pao lỏ chương khòng mi khạy báu cọ chương khòng chí dệt ók cuồng dan lằng lun mưa nả pháp luật báu cấm giao dịch. Pưa xương nặn, nọk vịa xủ chỉa chứng nhẳn quyên xủ đìn vạy mùn vạy đảy củ ngơn cốc  pi nọng mi xương xủ chương khòng ứn vạy mùn khòng pháp luật báu cấm giào dịch vạy mùn.

          Riềng đối cắp khék hang lỏ tựng côn, chua hươn củ ngơn cốc báu mi chương khòng vạy nhẳn pao men toi chính sách tín dụng chuông hong mả khày nông nghiệp, bản na toi Nghị định 55/2015/NĐ-CP hư đảy nộp hẳư tổ chức tín dụng hẳư củ chỉa chứng nhẳn quyên xủ đìn( đối cắp pưng côn đảy cấp chỉa chứng nhẳn quyên xủ đìn báu cọ chỉa nhẳn danh hê đảy cấp chỉa chứng nhẳn quyên xủ đìn cánh đìn báu mi chành chinh đảy uỷ bàn dần mương cấp xã nhẳn danh( Khoản 3, Điều 9, Nghị định 55/2015/QĐ-CP).

          San pi nọng phăng đài nẳng huyện Quỳnh Nhai cánh huyện Yên Châu thàm: Xum khỏi đảy tít tờn chư púk bồng, tảnh liệng hư pền xự bảo hiểm, va mi nả vịa xằng nuống pan xương pưng khù báu ngau khòng phạ đìn cướt sình ók, dịch bệnh hư đảy công ty bảo hiểm thành toán ngon nưng. Khỏi cọ đảy tay hươn hẳư hụ, va xự bảo hiểm nông nghiệp va củ ngơn cốc cọ chí đảy dón ngơn mả. Xò thàm nang quam nị men va báu. Chảnh thí xương xư?

          Tóp: “ Nẳng Điều 16 Nghị điịnh 55/2015/NĐ-CP mi tặt pùn: Khék hang chơ chôm hặp bảo hiểm đối cắp vịa dệt dượn nông nghiệp tẳng tánh té ngơn cốc củ, đảy tổ chức tín dụng dón ngơn tà mả hẳư củ tắm nhất lỏ 0,2% mỏi pì vẹt xắư tà mả khòng pưng tàng ngơn cốc củ ứn cánh mi dan củ to cằn.

          Xương khék hang củ ngơn cốc nẳng ngần hang cắp tà mả 10% mỏi pì vạy púk cò kìn mák, va xự bảo hiểm hẳư xuân cò kìn mák nị chí đảy ngần hang dón ngơn tà mả hẳư củ cắp mức tắm nhất  lỏ 0,2% mỏi pì. Khék hang chí đảy khừn ngơn tà mả củ ngần hang lài nhất lỏ 9,8% mỏi pì./.

                                                                          Hồng Việt-Huyền dịch

ꪖꪱꪣ ꪕꪮꪚ ꪣꪱ ꪕꪱꪉ ꪀꪴ ꫄ꪉꪙ ꪶꪀꪀ ꪘꪉꪰ ꫄ꪈꪙ ꪭꪱꪉ ꪶꪘꪉ ꪉꪚꪸ ꪢꪱ ꪵꪝ ꪚꪱꪙ ꪙꪱ

          ꪝꪲ ꪙꪮꪉ ꪫꪲ ꪖꪲ ꪖꪙꪸ ,ꪤꪴ ꪎꪱ ꪔꪴ ꪙꪱꪉ ,ꪭꪫꪙꪸ ꪮꪙꪸ ꪹꪊꪱ ,ꪔꪉꪲ ꫄ꪎꪙ ꪨꪱ ꪖꪱꪣ: ꪘꪉꪰ ꪚꪮꪙ ꪄꪮꪥ ꪤꪴ ꪋꪴ ꫛ ꪫꪱ ꪭꪀꪸ ꫄ꪋ ꪀꪴ ꫄ꪉꪙ ꪶꪀꪀ ꫄ꪈꪙ ꪭꪱꪉ ꪼꪒ ꪹꪮꪱ ꪶꪎ ꪵꪒꪉ ꪼꪜ ꪢꪴꪙ. ꪬꪱꪀ ꪫꪱ ꪄꪮꪥ ꪹꪚꪱ ꪵꪮ ꪹꪮꪱ ꪶꪎ ꪵꪒꪉ ꪼꪜ ꪢꪴꪙ .꫄ꪁꪙ ꪙꪮꪀ ꪶꪎ ꪵꪒꪉ ꪮꪀꪀ ꪭꪳ ꪏꪴꪣ ꪄꪮꪥ ꪀꪴ ꫄ꪉꪙ ꪶꪀꪀ ꪘꪉꪰ ꫃ꪈꪙ ꪭꪱꪉ ꪶꪘꪉ ꪉꪚꪸ ,ꪏꪴꪣ ꪄꪮꪥ ꪣꪲ ꪹꪏꪉ ꪹꪮꪱ ꪹꪋꪉ ꪄꪮꪉ ꪮꪙꪳ ꪼꪜ ꪢꪴꪘ ꪼꪒ ꪫꪱ ꪹꪚꪱ?

          ꪕꪮꪚ: ꪘꪉꪰ ꪄꪫꪱꪱꪙ ꫛ ꪒꪫꪸ 4 ꪀꪫꪒꪸ ꪓꪉꪲ ꪶꪎ 35, ꪣꪳ 15.1.2014 ꪄꪮꪉ ꪶꪭꪥ ꪶꪒꪉ ꪵꪖꪉ ꪪꪙꪸ ꫄ꪈꪙ ꪭꪱꪉ ꪶꪘꪉ ꪈꪚꪸ ꪢꪱ ꪵꪝ ꪚꪱꪙ ꪙꪱ ꪕꪒꪰ ꪜꪴꪙ ꪩꪺꪉ ꪀꪴ ꫄ꪉꪙ ꪶꪀꪀ: ꪹꪋꪉ ꪄꪮꪉ ꪐꪽ ꪝꪱꪫ ꪨꪷ ꪹꪋꪉ ꪄꪮꪉ ꪣꪲ ꪼꪅ ꪹꪚꪱ ꪁꪷ ꪹꪊꪉ ꪄꪮꪉ ꪋꪲ ꫃ꪥꪒ ꪮꪮꪀ ꪀꪺꪉ ꪥꪱꪙ ꪼꪜ ꪘꪱ ꪠꪱꪚ ꪩꪺꪒ ꪹꪚꪱ ꫄ꪀꪣ ꪤꪱꪫ ꪥꪀꪲ. ꪹꪝ ꪹꪏꪉ ꪙꪽ ,ꪙꪮꪀ ꪫꪀꪸ ꪎꪴ ꪊꪸ ꪊꪉꪳ ꪐꪽ ꪁꪫꪙꪸ ꪎꪴ ꪒꪙꪲ ꪼꪫ ꪢꪴꪙ ꪀꪴ ꫄ꪉꪙ ꪶꪀꪀ ꪝꪲ ꪙꪮꪉ ꪣꪲ ꪹꪏꪉ ꪎꪴ ꪹꪋꪉ ꪄꪮꪉ ꪮꪙꪳ ꪼꪫ ꪢꪴꪙ ꪹꪋꪉ ꪄꪮꪉ ꪠꪱꪚ ꪩꪺꪒ ꪹꪚꪱ ꫄ꪀꪣ ꪤꪱꪫ ꪥꪲꪀ ꪼꪫ ꪢꪴꪙ.

          ꪤꪉꪸ ꪶꪒꪥ ꪀꪚꪾ ꪵꪄꪀ ꪭꪱꪉꪨ ꪨꪷ ꪕꪉꪳ ꫛ , ꪋꪺ ꪹꪭꪙꪀꪴ ꫄ꪉꪙ ꪶꪀꪀ ꪹꪚꪱ ꪣꪲ ꪹꪋꪉ ꪄꪮꪉ ꪼꪫ ꪐꪽ ꪝꪱꪫ ꪕꪮꪥ ꪊꪉꪲ ꪵꪎꪀ ꪔꪙꪲ ꪥꪉꪴ ꪋꪺꪉ ꪭꪮꪉ ꪢꪱ ꪼꪄ ꪶꪘꪉ ꪉꪚꪸ, ꪚꪱꪙ ꪙꪱ ꪕꪮꪥ ꪉꪲ ꪓꪉꪲ 55.2015 ꪭꪳ ꪼꪒ ꪶꪙꪚ ꪻꪬ ꪶꪔ ꪊꪀꪳ ꪔꪙꪲ ꪥꪴꪉ ꪊꪲ ꪊꪉꪳ ꪐꪽ ꪁꪫꪙꪸ ꪎꪴ ꪒꪙꪲ, ꪹꪚꪱ ꪁꪷ ꪊꪲ ꪐꪽ ꪵꪥꪉ ꫄ꪭ ꪼꪒ ꫄ꪀꪚ ꪊꪲ ꪊꪉꪳ ꪐꪽ ꪁꪫꪙꪸ ꪎꪴ ꪒꪙꪲ ꪹꪚꪱ ꪣꪲ ꪵꪊꪉ ꪋꪉꪲ ꪼꪒ ꪮꪫꪲ ꪚꪱꪙ ꫄ꪤꪙ ꪹꪣꪉ ꫄ꪀꪚ ꪎꪱ ꪐꪽ ꪵꪥꪉ ( ꪄꪫꪱꪙ 3,ꪒꪫꪸ 9ꪶ ꪉꪲꪤ ꪓꪉꪲ 55.2015).

          ꪏꪱꪙ ꪝꪲ ꪙꪮꪉ ꪡꪉꪰ ꪒꪱꪥ ꪘꪉꪰ ꪭꪫꪙꪸ ꪀꪫꪥꪲ ꪐꪱꪥ ꪵꪀꪉ ꪭꪫꪙꪸ ꪮꪙꪸ ꪹꪊꪱ ꪖꪱꪣ: ꪏꪴꪣ ꪄꪮꪥ ꪼꪒ ꪕꪒꪲ 7ꪔꪘ ꫄ꪋ ꪜꪴꪀ ꪶꪚꪉ ,ꪵꪔꪉ ꪩꪉꪸ ꪭꪳ ꫃ꪜꪙ ꪏꪳ ꪚꪱꪫ ꪬꪣꪸ ꪪꪱ ꪣꪲ ꪘꪱ ꪫꪀꪸ ꪎꪉꪰ ꪘꪺꪉ ꪝꪱꪙ ꪹꪏꪉ ꪝꪉꪳ ꪄꪴ ꪹꪚꪱ ꪹꪉꪱ ꪄꪮꪉ ꪡꪱ ꪒꪙꪲ ꪹꪀꪒ ꪎꪉꪲ ꪮꪮꪀ , ꪥꪀꪲ ꫃ꪛꪉ ꪭꪳ ꪼꪒ ꪶꪁꪉ ꪕꪲ ꪚꪱꪪ ꪭꪣꪸ ꪵꪖꪉ ꪔꪫꪱꪙ ꪉꪮꪙ ꫜ. ꪄꪮꪥ ꪁꪷ ꪼꪒ ꪼꪕ ꪹꪭꪙ ꪻꪬ ꪬꪴ: ꪫꪱ ꪏꪴ ꪚꪱꪫ ꪬꪣꪸ ꪶꪘꪉ ꪉꪚꪸ ꪫꪱ ꪀꪴ ꫄ꪉꪙ ꪶꪀꪀ ꪀꪷ ꪋꪲ ꪼꪒ ꪤꪮꪙ ꫄ꪉꪙ ꪔꪱ ꪢꪱ. ꪎꪷ ꪖꪱꪣ ꪙꪱꪉ ꪁꪫꪱꪣ ꪙꪲ ꪵꪣꪙ ꪫꪱ ꪹꪚꪱ?

          ꪕꪮꪚ: ꪘꪉꪰ ꪒꪫꪸ 16 ꪉꪲ ꪓꪉꪲ 55.2015 ꪕꪒꪰ ꪜꪴꪙ: ꪵꪄꪀ ꪭꪱꪉ ꫄ꪊ ꪶꪋꪣ ꪬꪚꪾ ꪚꪱꪫ ꪬꪣꪸ ꪶꪒꪥ ꪀꪚꪾ ꪫꪀꪸ ꫃ꪥꪒ ꪹꪥꪙ ꪶꪘꪉ ꪉꪚꪸ ꪔꪉꪰ ꪵꪔꪉ ꪵꪔ ꫄ꪉꪙ ꪶꪀꪀ ꪀꪴ ꪼꪒ ꪶꪔ ꪊꪀꪳ ꪔꪙꪲ ꪥꪴꪉ ꪤꪮꪙ ꫄ꪉꪙ ꪔꪱ ꪢꪱ ꪻꪬ ꪀꪴ ꪔꪣꪾ ꫄ꪐꪒ ꪨꪷ 0,2% ꪢꪮꪥ ꪜꪲ.

          ꪹꪏꪉ ꪵꪄꪀ ꪭꪱꪉ ꪀꪴ ꫄ꪉꪙ ꪶꪀꪀ ꪘꪉꪰ ꫄ꪈꪙ ꪭꪱꪉ ꪘꪚꪾ ꪔꪱ ꪢꪱ 10% ꪢꪮꪥ ꪜꪲ ꪼꪫ ꪜꪴꪀ ꪀꪷ ꪀꪙꪲ ꪢꪱꪀ ,ꪫꪱ ꪏꪳ ꪚꪱꪫ ꪬꪣꪸ ꪼꪬ ꪎꪺꪙ ꪀꪷ ꪀꪙꪲ ꪢꪱꪀ ꪋꪲ ꪼꪒ ꫄ꪈꪙ ꪭꪱꪉ ꪤꪮꪙ ꫃ꪉꪙ ꪔꪱ ꪢꪱ ꪼꪬ ꪀꪴ ꪀꪚꪾ ꪢꪀꪳ ꪔꪣꪾ ꫄ꪐꪒ ꪨꪷ 0,2% ꪢꪮꪥ ꪜꪲ.

                                                                                  ꪹꪩꪉ ꪬꪫꪙꪸ ꪥꪀꪲ