Bảo hiểm xã hội Việt Nàm pả vang xìa nang quam Hươn dà bóm riềng báu đảy khám Bảo hiểm y tế

-------------

Khay nị Bộ Ỳ tế đàng đút thiếu thông tư xiếp lặt tuyến chuyền mồn, kỹ thuật hươn dà bóm riềng xương nặn cọ dệt dạk cha hẳư  vịa tổ chức khám dà bệnh cánh thành toán ngơn khám dà bệnh bảo hiểm ỳ tế đối cắp san hươn dà cọ hê đảy nhẳn danh tuyến chuyền mồn, kỹ thuật. Hạng pì, BHXH Việt Nàm pọm tặt pùn hẳư pưng cờ quàn BHXH địa phường lăm le lau pưng luông tặt pùn đối cắp ỳ tế bóm riềng vạy tục po khù ngai đì cuồng vịa khám dà bệnh toi thẻ bảo hiểm ỳ tế men toi tặt pùn.

Thông tư số 43 khòng Bộ Ỳ tế cọ tặt pùn chảnh pưng luông tặt pùn vạy nhẳn danh tuyến chuyền mồn, kỹ thuật khòng pưng cờ sở khám dà bệnh nọk hươn nước. Thông tư nị nhẳn danh, cấp mi chứuc quyên hôm mi Bộ ỳ tế báu cọ sở ỳ tế pưng tỉnh, thanh phố trực thuộc Trùng ường mi trách nhiệm pâng sắư pưng luông tặt pùn nẳng thông tu số 43 vạy cấp phép, xòng ma nhẳn danh tuyến chuyền mồn, kỹ thuật khòng pưng cờ sở ỳ tế bóm riềng nẳng cuồng phổng vạy nhẳn danh luông cấp dịch vụ ỳ tế, té nặn chắng nhẳn danh đảy ngơn cốc thành toán bảo hiểm ỳ tế.

ꪵꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪜꪱ ꪫꪱꪉ ꪎꪸ ꪙꪱꪉ ꪁꪫꪱꪣ ꪹꪭꪙ ꪤꪱ ꪚꪮꪣ ꪦꪉꪸ ꪹꪚꪱ ꪼꪒ ꪄꪱꪣ ꪚꪱꪫ ꪬꪣꪸ ꪎꪱ ꪶꪬꪥ

-----------------------------

ꪔꪮꪚ ꪁꪫꪱꪢ ꪖꪱꪣ ꪄꪮꪉ ꪠꪮꪉ ꪪꪙꪸ ꪒꪱꪥ ꪁꪫꪱꪣ ꪜꪱꪀ ꪫꪒꪸ ꪘꪱꪣ , ꪩꪉꪴ ꪠꪱꪣ ꪹꪩꪉ ꪹꪎꪷꪙ ꪻꪬ ꪭꪴ , ꪀꪺꪉ ꪤꪱꪙ  ꪊꪾ ꪙꪲ ꪹꪊꪷ ꪀꪫꪱꪙ ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪁꪷ ꪠꪱꪀ ꪊꪸ ꪨꪱꪥ ꪭꪮꪒ ꪹꪊꪷ ꪀꪫꪱꪙ ꪚꪱꪫ ꪬꪣꪸ ꪎꪱ ꪶꪭꪥ ꪝꪉꪳ ꪔꪉꪲ , ꪗꪱꪉ ꪶꪠ ꪼꪫ ꪊꪀꪲ ꪚꪮꪀ ꪫꪀꪸ ꪶꪔ ꪊꪀꪳ ꪹꪭꪷꪚ ꪶꪓꪉ ꪜꪲ 2018. ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪹꪭꪸ ꪠꪱꪀ ꪔꪱꪉ ꪊꪸ ꪩꪱꪥ ꪻꪒ ꪭꪮꪒ ꪝꪉꪳ ꪹꪭꪙ ꪤꪱ ꪚꪮꪣ ꪦꪉꪸ ꪀꪱꪉ ꪚꪱ ꪣꪲ ꪹꪭꪙ ꪤꪱ ꪚꪮꪣ ꪦꪉꪸ ꪻꪒ ꪹꪚꪱ ꪼꪒ ꪄꪱꪣ ꪕꪮꪥ ꪵꪖ ꪚꪱꪫ ꪬꪣꪸ ꪮꪲ ꪹꪔꪸ

ꪶꪗꪉ ꪕꪳ ꪶꪎ 43 ꪖꪮꪉ ꪶꪛ ꪮꪲ ꪹꪔꪸ ꪁꪷ ꪕꪒꪰ ꪜꪙꪴ ꪵꪊꪉ ꪝꪉꪳ ꪩꪺꪉ ꪜꪴꪙ ꪼꪫ ꪐꪽ ꪵꪤꪉ ꪔꪫꪙꪸ ꪊꪫꪙꪸ ꪶꪢꪙ , ꪀꪲ ꪗꪺꪒ ꪄꪮꪉ ꪝꪉꪳ ꪹꪀꪷ ꪹꪎꪷ ꪄꪱꪣ ꪤꪱ ꪹꪛꪸꪉ ꪙꪮꪀ ꪹꪭꪘ ꪹꪣꪉ. ꪶꪗꪉ ꪕꪳ ꪙꪲ ꪼꪫ ꪐꪽ ꪵꪥꪉ , ꪹꪀꪷꪚ ꪣꪲ ꪊꪀꪳ ꪁꪫꪙꪸ ꪶꪭꪣ ꪣꪲ ꪶꪛ ꪮꪲ ꪹꪔꪸ ꪹꪚꪱ ꪁꪜ ꪹꪎꪷ ꪮꪲ ꪹꪔꪸ ꪝꪉꪳ ꪔꪉꪲ ꪵꪗꪉ ꪶꪠ ꪊꪀꪳ ꪗꪺꪀ ꪊꪉꪴ ꪹꪮꪉ ꪣꪲ ꪵꪊꪀ ꪐꪣꪸ ꪹꪝꪷꪉ ꪻꪎ ꪝꪉꪳ ꪩꪺꪉ ꪕꪒꪰ ꪜꪙꪴ ꪘꪉꪰ ꪶꪗꪉ ꪕꪳ ꪶꪎ 43 ꪼꪫ ꪹꪀꪷꪚ ꪵꪠꪚ , ꪎꪮꪉ ꪣꪱ ꪐꪽ ꪵꪥꪉ ꪔꪫꪙꪸ ꪊꪫꪙꪸ ꪶꪢꪙ , ꪀꪲ ꪗꪺꪒ ꪄꪮꪉ ꪝꪉꪳ ꪹꪀꪷ ꪹꪎꪷ ꪄꪱꪣ ꪤꪱ ꪹꪛꪸꪉ ꪚꪮꪣ ꪦꪉꪸ ꪘꪉꪰ ꪀꪺꪉ ꪶꪠꪉ ꪼꪫ ꪐꪙ ꪵꪥꪉ ꪩꪺꪉ ꪹꪀꪷꪚ ꪥꪀꪲ ꪪꪴ ꪮꪲ ꪹꪔꪸ , ꪵꪔ ꪙꪽ ꪊꪉꪰ ꪐꪽ ꪵꪥꪉ ꪼꪒ ꪹꪉꪷꪙ ꪶꪀꪀ ꪵꪖꪉ ꪔꪫꪱꪙ ꪚꪱꪫ ꪬꪣꪲ ꪮꪲ ꪹꪔꪸ.

ꪼꪅ ꪙꪲ ꪶꪛ ꪮꪲ ꪹꪔꪸ ꪒꪱꪉ ꪒꪒꪴ ꪖꪫꪸ ꪶꪗꪉ ꪕꪳ ꪎꪚꪸ ꪩꪒꪰ ꪔꪫꪙꪸ ꪊꪫꪙꪸ ꪶꪢꪙ , ꪀꪲ ꪗꪺꪒ ꪄꪮꪉ ꪝꪉꪳ ꪹꪀꪷ ꪹꪎꪷ ꪄꪱꪣ ꪤꪱ ꪹꪛꪸꪉ ꪚꪮꪣ ꪦꪉꪸ ꪹꪏꪉ ꪙꪽ ꪁꪷ ꪹꪥꪸꪒ ꪥꪱꪀ ꪋꪱ ꪻꪬ ꪫꪀꪸ ꪶꪔ ꪊꪀꪳ ꪄꪱꪣ ꪤꪱ ꪹꪛꪸꪉ ꪵꪀꪉ ꪵꪖꪉ ꪔꪫꪱꪙ ꪹꪉꪷꪙ ꪄꪱꪣ ꪤꪱ ꪹꪛꪸꪉ ꪕꪮꪥ ꪵꪖ ꪚꪱꪫ ꪬꪣꪸ ꪮꪲ ꪹꪔꪸ ꪶꪒꪥ ꪀꪚꪰ ꪏꪱꪙ ꪹꪭꪙ ꪤꪱ ꪁꪷ ꪹꪭꪸ ꪐꪽ ꪵꪥꪉ ꪼꪒ ꪔꪫꪙꪸ ꪊꪫꪙꪸ ꪶꪢꪙ , ꪀꪲ ꪗꪺꪒ ꪄꪮꪉ ꪝꪉꪳ ꪹꪀꪷ ꪹꪎꪷ ꪄꪱꪣ ꪤꪱ ꪹꪛꪸꪉ . ꪭꪱꪉ ꪜꪲ ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪁꪷ ꪕꪰꪒ ꪜꪙꪴ ꪻꪬ ꪝꪉꪳ ꪹꪀꪷ ꪀꪫꪱꪙ ꪚꪱꪫ ꪬꪣꪸ ꪎꪱ ꪶꪭꪥ ꪒꪸ ꪹꪠꪉ ꪩꪾ ꪵꪩ ꪹꪩꪱ ꪝꪉꪳ ꪩꪺꪉ ꪕꪒꪰ ꪜꪙꪴ ꪶꪒꪥ ꪀꪚꪰ ꪹꪀꪷ ꪹꪎꪷ ꪮꪲ ꪹꪔꪸ ꪚꪮꪣ ꪦꪉꪸ ꪼꪫ ꪕꪀꪴ ꪝꪷ ꪄꪴ ꪉꪱꪥ ꪒꪲ ꪀꪺꪉ ꪫꪀꪸ ꪄꪱꪣ ꪤꪱ ꪹꪛꪸꪉ ꪕꪮꪥ ꪵꪔ ꪚꪱꪫ ꪬꪣꪸ ꪮꪲ ꪹꪔ ꪵꪣꪙ ꪕꪮꪥ ꪕꪒꪰ ꪜꪙꪴ.

TTT – Thành dịch