Choi dừa học sình, trương phổ thông

nẳng xã, bản xút ti pọ dạk cha.

          Cốc khoẹ, lỏ học sình bán trú đàng ép nẳng trương phổ thông dân tộc nội trú:

          Thứ 2, lỏ học sình hư chảu tồ cánh ải, êm báu cọ côn liệng đù mi hộ khẩu kìn dú nẳng pưng xã, bản xút ti pọ dạk cha đàng ép nẳng pưng trương tiểu học, trung học cơ sở men xã phổng 3, bản xút ti po dạk cha phổng pi nọng chựa noị côn cánh phổng đìn pu. Pưng xã pọ dạk cha phổng him nặm bể cánh phổng đòn bể.

Thứ 3, lỏ học sình hư chảu tồ cánh ải, êm báu cọ côn liệng đù mi hộ khẩu kìn dú nẳng xã phổng 3, bản sút ti pọ dạk cha phổng pi nọng chựa nọi côn cánh phổng đìn pu đàng ép nẳng pưng trương tiểu học, Trung học cơ sở men xã phổng 2 phổng pi nọng chựa nọi côn cánh phổng đìn pu. Hươn dú lắc trương báu cọ tang pày ma dạk cha xương tặt pùn nẳng điểm 2.

Nghị định tặt pùn, đối cắp học sình Trung học phổ thông lỏ pi nọng chựa nọi côn đảy nhẳn pao pưng khù lằng nị:

1.Đàng ép nẳng trương trung học phổ thông báu cọ cấp trung học phổ thông nẳng trương phổ thông mi lài cấp ép;

2. Chảu tồ cánh ải,êm báu cọ liệng đù mi hộ khảu kìn dú nẳng pưng xã phổng 3, bản xút ti pọ dạk cha phổng pi nọng chựa nọi côn cánh phổng đìn pu, pưng xã xút ti pọ dạk cha phổng him nặm bể cánh phổng đòn bể.

Nghị định cọ tặt pùn pưng trương phổ thông đảy hưởng chính sách choi dừa hôm mi: Trương phổ thông dân tộc bán trú; trương phổ thông tổ chức tổm khảu hẳư học sình kìn nẳng trương hư đảy hưởng chính sách  toi tặt pùn nẳng Nghị định nị.

Toi tặt pùn, trương phổ thông dân tộc bán trú đảy choi dừa dòm ngơn cốc tẳng tánh cốc ngươn sính khòng cánh xự sắm chương khòng hôm mi: Hươn dú, giường non, hươn tổm khảu, hỏng tánh kìn khảu, hươn áp, công trình thiềng xìa cánh pưng chương khòng kèm toi hẳư học sình bán trú toi tiều chuẩn thiết kế trương ép khạy nị;

Xòng ma, xự sắm tứm ten, xảng pành chương khòng tập tư thể dục, thể thao cánh pưng chương khòng ứn hẳư học sình bán trú cắp mức choi dừa 100 păn mằn mỏi học sình bán trú, mỏi pì ép, đảy tánh ók tủ dà xủ ho cằn hẳư tênh cá phổng bán trú, xự pưng tàng dà lâng xủ cắp số dà tục po cựt tóp đảy lang áo chự phong bệnh va học sình đằư chuốp pày cấp cứu hư đảy choi dừa 50 păn mằn mỏi học sình bán trú, cuồng pì ép nưng./

                                                        VOV4-Huyền dịch

ꪋꪮꪥ ꪹꪤ ꪬꪮꪒ ꪎꪉꪲ ꪹꪋꪉ ꪶꪠ ꪶꪖꪉ ꪘꪉꪰ ꪎꪱ ꪚꪱꪙ ꪎꪴꪒ ꪕꪲ ꪝꪷ ꪤꪱꪀ ꪋꪱ

          ꪶꪀꪀ ꪵꪅꪫ ꪨꪷ ꪝꪉꪳ ꪭꪮꪒ ꪎꪉꪲ ꪚꪱꪙ ꪊꪴ ꪒꪱꪉ ꪵꪮꪚ ꪘꪉꪰ ꪹꪋꪉ ꪶꪠ ꪶꪖꪉ ꫄ꪤꪙ ꪶꪕꪀ ꪶꪘꪥ ꪊꪴ:

          ꪖꪳ 2: ꪨꪷ ꪭꪮꪒ ꪎꪉꪲ ꪭꪳ ꪫꪱ ꪹꪊꪱ ꪶꪔ ꪭꪮꪀ ꪎꪉꪲ ꪵꪀꪉ ꪮꪱꪥ ꫃ꪯꪣ ꪹꪚꪱ ꪁꪷ ꫛ ꪩꪉꪸ ꪒꪴ ꪣꪲ ꪶꪭ ꪹꪄꪱ ꪀꪙꪲ ꪤꪴ ꪘꪉꪰ ꪝꪉꪳ ꪎꪱ, ꪚꪱꪙ ꪎꪴꪒ ꪕꪲ ꪝꪷ ꪤꪱꪀ ꪋꪱ ꪒꪱꪉ ꪵꪮꪚ ꪘꪉꪰ ꪝꪉꪳ ꪹꪋꪉ ꪔꪫꪸ ꪭꪮꪀ, ꪊꪴꪉ ꪭꪮꪀ ꫄ꪀ ꫄ꪎ ꪄꪮꪉ ꪎꪱ ꪶꪠꪉ 3, ꪚꪱꪙ ꪎꪴꪒ ꪕꪲ ꪝꪷ ꪤꪱꪀ ꪋꪱ ꪶꪠꪉ ꪝꪲ ꪙꪮꪉ ꪹꪋ ꪙꪮꪥ ꫛ ꪵꪀꪉ ꪶꪠꪉ ꪒꪙꪲ ꪝꪴ. ꪝꪉꪳ ꪎꪱ ꪝꪷ ꪤꪱꪀ ꪋꪱ ꪶꪠꪉ ꪭꪣꪲ ꪙꪣꪾ ꫃ꪚ ꪵꪀꪉ ꪶꪠꪉ ꪒꪮꪙ ꫃ꪚ.

          ꪖꪳ 3: ꪨꪷ ꪭꪮꪀ ꪎꪉꪲ ꪭꪴ ꪫꪱ ꪹꪊꪱ ꪶꪔ ꪭꪮꪀ ꪎꪉꪲ ꪵꪀꪉ ꪮꪱꪥ ꫃ꪯꪣ ꪹꪚꪱ ꪁꪷ ꫛ ꪩꪉꪸ ꪒꪴ ꪣꪲ ꪶꪭ ꪹꪄꪱ ꪀꪙꪲ ꪤꪴ ꪘꪉꪰ ꪎꪱ ꪶꪠꪉ 3, ꪚꪱꪙ ꪎꪴꪒ ꪕꪲ ꪝꪷ ꪤꪱꪀ ꪋꪱ ꪶꪠꪉ ꪝꪲ ꪙꪮꪉ ꪹꪋ ꪙꪮꪥ ꫛ ꪵꪀꪉ ꪶꪠꪉ ꪒꪙꪲ ꪝꪴ ꪒꪱꪉ ꪵꪮꪚ ꪘꪉꪰ ꪝꪉꪳ ꪹꪋꪉ ꪔꪫꪸ ꪭꪮꪀ ,ꪊꪉꪴ ꪭꪮꪀ ꫄ꪀ ꫄ꪎ ꪄꪮꪉ ꪎꪱ ꪶꪠꪉ 2 ꪶꪠꪉ ꪝꪲ ꪙꪮꪉ ꪹꪋ ꪙꪮꪥ ꫛ ꪵꪀꪉ ꪶꪠꪉ ꪒꪙꪲ ꪝꪴ. ꪹꪭꪙ ꪤꪴ ꪨꪀꪰ ꪹꪋꪉ ꪹꪚꪱ ꪁꪷ ꪕꪱꪉ ꪼꪜ ꪣꪱ ꪤꪱꪀ ꪋꪱ ꪹꪏꪉ ꪕꪒꪰ ꪜꪴꪙ ꪘꪉꪰ ꪒꪣꪸ 2.

ꪉꪲꪲ ꪒꪉꪲ ꪕꪒꪰ ꪜꪴꪙ ꪶꪒꪥ ꪀꪚꪾ ꪭꪮꪀ ꪎꪉꪲ ꪊꪴꪉ ꪭꪮꪀ ꪶꪠ ꪶꪖꪉ ꪨꪷ ꪝꪲ ꪙꪮꪉ ꪹꪋ ꪙꪮꪥ ꫛ ꪼꪒ ꪐꪽ ꪝꪱꪫ ꪝꪉꪳ ꪄꪴ ꪨꪉꪰ ꪙꪲ:

1.ꪒꪱꪉ ꪵꪮꪚ ꪘꪉꪰ ꪹꪋꪉ ꪊꪴꪉ ꪭꪮꪀ ꪶꪠ ꪶꪖꪉ ꪹꪚꪱ ꪁꪷ ꫄ꪀꪚ ꪊꪴꪉ ꪭꪮꪀ ꪶꪠ ꪶꪖꪉ ꪘꪉꪰ ꪹꪋꪉ ꪶꪠ ꪶꪖꪉ ꪣꪲ ꪨꪱꪥ ꫄ꪀꪚ ꪵꪮꪚ;

2.ꪹꪊꪱ ꪶꪔ ꪵꪀꪉ ꪮꪱꪥ ꫃ꪯꪣ ꪹꪚꪱ ꪁꪷ ꫛ ꪩꪉꪸ ꪒꪴ ꪢꪲ ꪶꪭ ꪹꪄꪱ ꪀꪙꪲ ꪤꪴ ꪘꪉꪰ ꪝꪉꪳ ꪎꪱ ꪶꪠꪉ 3, ꪚꪱꪙ ꪎꪴꪒ ꪕꪲ ꪝꪷ ꪤꪱꪀ ꪋꪱ ꪶꪠꪉ ꪝꪲ ꪙꪮꪉ ꪹꪋ ꪙꪮꪥ ꫛ ꪵꪀꪉ ꪶꪠꪉ ꪒꪙꪲ ꪝꪴ, ꪝꪉꪳ ꪎꪱ ꪎꪴꪒ ꪕꪲ ꪝꪷ ꪤꪱꪀ ꪋꪱ ꪶꪠꪉ ꪭꪣꪲ ꪙꪣꪾ ꫃ꪚ.

          ꪉꪲ ꪒꪉꪲ ꪁꪷ ꪕꪒꪰ ꪜꪴꪙ ꪝꪉꪳ ꪹꪋꪉ ꪶꪠ ꪶꪖꪉ ꪼꪒ ꪹꪬꪉ ꪊꪉꪲ ꪵꪎꪀ ꪋꪮꪥ ꪹꪤ ꪶꪭꪣ ꪣꪲ: ꪹꪋꪉ ꪶꪠ ꪶꪖꪉ ꫄ꪤꪙ ꪶꪕꪀ ꪶꪘꪥ ꪊꪴ; ꪹꪋꪉ ꪶꪠ ꪶꪖꪉ ꪶꪔ ꪹꪄꪱ ꪻꪬ ꪭꪮꪀ ꪎꪉꪲ ꪀꪙꪲ ꪘꪉꪰ ꪹꪋꪉ ꪭꪳ ꪼꪒ ꪹꪬꪉ ꪊꪉꪲ ꪵꪎꪀ ꪕꪮꪥ ꪕꪒꪰ ꪜꪴꪙ ꪘꪉꪰ ꪉꪲ ꪒꪉꪲ ꪙꪲ.

          ꪕꪮꪥ ꪕꪒꪰ ꪜꪴꪙ ꪹꪋꪉ ꪶꪠ ꪶꪖꪉ ꫄ꪤꪙ ꪶꪕꪀ ꪚꪱꪙ ꪊꪴ ꪼꪒ ꪋꪮꪥ ꪹꪤ ꪤꪮꪣ ꫄ꪉꪙ ꪶꪀꪀ ꪔꪉꪰ ꪵꪔꪉ ꪶꪀꪀ ꪹꪉꪙ ꪎꪉꪲ ꪄꪮꪉ ꪵꪀꪉ ꪏꪳ ꪎꪣꪾ  ꪹꪋꪉ ꪄꪮꪉ ꪶꪭꪣ ꪣꪲ: ꪹꪭꪙ ꪤꪴ, ꪹꪥꪉ ꪙꪮꪙ, ꪹꪭꪙ ꪶꪔꪣ ꪹꪄꪱ, ꪹꪭꪙ ꪮꪱꪚ ,ꪖꪉꪸ ꪎꪸ ꪵꪀꪉ ꪝꪉꪳ ꪹꪋꪉ ꪄꪮꪉ ꪵꪀꪣ ꪕꪮꪥ ꪻꪬ ꪭꪮꪀ ꪎꪉꪲ ꪚꪱꪙ ꪊꪴ ꪕꪮꪥ ꪩꪺꪉ ꪜꪴꪙ ꪖꪒꪸ ꫃ꪀ ꪼꪅ ꪙꪲ;

          ꪎꪮꪉ ꪣꪱ ꪏꪳ ꪎꪣꪾ ꪔꪣꪳ ꪵꪕꪙ , ꪎꪱꪉ ꪵꪜꪉ ꪹꪋꪉ ꪄꪮꪉ ꫄ꪕꪚ ꪕꪳ ꫃ꪖ ꪥꪴꪀ ,꫃ꪖ ꪖꪱꪫ ꪵꪀꪉ ꪝꪉꪳ ꪹꪋꪉ ꪄꪮꪉ ꪮꪙꪳ ꪻꪬ ꪭꪮꪀ ꪎꪉꪲ ꪚꪱꪙ ꪊꪴ ꪀꪚꪾ ꪢꪀꪳ ꪋꪮꪥ ꪹꪤ 100 ꪝꪽ ꪢꪽ ꪢꪮꪥ ꪭꪮꪀ ꪎꪉꪲ ꪢꪮꪥ ꪜꪲ ꪵꪮꪚ. ꪼꪒ ꪵꪔꪉ ꪮꪮꪀ ꪔꪴ ꪤꪱ ꪎꪴ ꪭꪷ ꪀꪽ ꪻꪬ ꫃ꪕꪉ ꪀꪱ ꪶꪠꪉ ꪚꪱꪙ ꪊꪴ, ꪁꪒꪳ ꪕꪮꪚ ꪼꪒ ꪩꪱꪉ ꪮꪱꪫ ꪋꪳ ꪡꪮꪉ ꫃ꪛꪉ, ꪫꪱ ꪭꪮꪀ ꪎꪉꪲ ꪻꪒ ꪊꪺꪚ ꪼꪜ ꫄ꪀꪚ ꪀꪫꪲ ꪭꪴ ꪼꪒ ꪊꪮꪥ ꪹꪤ 50 ꪝꪽ ꪢꪽ ꪢꪮꪥ ꪭꪮꪀ ꪎꪉꪲ ꪚꪱꪙ ꪊꪴ, ꪀꪺꪉ ꪜꪲ ꪵꪮꪚ ꫜ.

ꪹꪩꪉ ꪬꪫꪙꪸ ꪥꪲꪀ