Dệt lồng sổ bảo hỉêm xã hội, cận đảy dệt pưng tàng chỉa lai xằng

---------------------

Thàm:

Pi nọng mi chư Hoài Giang, dú nẳng Ha Nội thàm: Sở bảo hiểm xã hội khòng nọng dệt nẳng cuồng Sài Gòn, pưa công ty cáu khòng nọng mi bón dệt vịa cuồng nặn, hák va nọng dệt vịa nẳng chi nhánh Ha Nội, lằng nặn chi áo họt pì nưng, Chi nhánh nẳng Ha Nội bánh pằn ók pền Công ty mắư cánh nộp bảo hiểm xã hội hẳư nọng nẳng Quận Đống Đa. Khay nị, nọng dặng vịa, công ty cáu cọ khừn sổ bảo hiểm hẳư nọng, nọng pày dệt chỉa lai bảo hiểm báu mi vịa dệt hư hền phít mự vên ók, hák va bùn báu đì chơ táo ma hươn nọng dệt tốc sổ xìa. Khay nị vạy dệt lau sổ bảo hiểm xã hội nọng cận dệt pưng tàng chỉa lai xương xư?

Tóp:

Bảo hiểm xã hội Việt Nàm tóp quam nả vịa nị xương lằng: Đối cắp chu vịa khòng pi nọng, vạy chấp năm cấp lau sổ bảo hiểm xã hội pộ dệt lông xìa, pi nọng cận àu pưng tàng chỉa lai pày nộp nẳng Bảo hiểm xã hội Quận Đống Đa, hôm mi:

- Chỉa khài cấp cánh xỏm pành nang quam khòng côn chôm hặp bảo hỉêm xã hội, bảo hiểm ỳ tế; cuồng nặn biền tục po pưng nang quam khòng lăm mo chảu, số sổ bảo hiểm xã hội cọ đảy cấp, ngon 13 biền mài tục po dan chôm hặp bảo hỉêm xã hội, hôm mi dan chơ nộp, mức ngơn lường nộp, đờn vị dệt vịa, bón nộp bảo hiểm xã hội;

- Chỉa lai lý lịch cốc chơ chôm hặp bảo hiểm xã hội va chơ hền ók pưng nang quam đảy biền cuồng sổ bảo hiểm xã hội lỏ báu hê men.

- Quyết định khòng cờ quàn mi chức quyên cuồng vịa xỏm pành Hộ tịch báu cọ chỉa khài sình bía cốc, mi biền vịa xòm pành nẳng nả tang lằng toi luông tặt pùn nẳng Nghị định số 158/2005 mự 27/12/2005 khòng Chính phủ đối cắp pưng côn xỏm pành hộ tịch, hộ khẩu./.

ꪹꪥꪸꪒ ꪶꪨꪉ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ , ꪹꪁꪷꪙ ꪼꪒ ꪹꪥꪸꪒ ꪝꪉꪳ ꪔꪱꪉ ꪊꪸ ꪩꪱꪥ ꪎꪉꪰ?

----------------------

ꪖꪱꪣ:

ꪝꪲ ꪙꪮꪉ ꪣꪲ ꪋꪳ ꪬꪫꪱꪥ ꪥꪱꪉ , ꪤꪴ ꪘꪉꪰ ꪭꪱ ꪶꪙꪥ ꪖꪱꪣ: ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪄꪮꪉ ꪙꪮꪉ ꪹꪥꪸꪒ ꪁꪳ ꪀꪺꪉ ꪎꪱꪥ ꪇꪮꪙ , ꪵꪝ ꪶꪁꪉ ꪕꪴ ꪹꪀꪱ ꪄꪮꪉ ꪙꪮꪉ ꪣꪲ ꪚꪮꪙ ꪹꪥꪸꪒ ꪫꪀꪸ ꪀꪺꪉ ꪙꪽ , ꪬꪱꪀ ꪫꪱ ꪙꪮꪉ ꪹꪥꪸꪒ ꪫꪀꪸ ꪘꪉꪰ ꪋꪲ ꪵꪐꪉ ꪭꪱ ꪶꪙꪥ , ꪨꪉꪰ ꪙꪽ ꪋꪲ ꪮꪱꪫ ꪭꪮꪒ ꪜꪲ ꫜ , ꪋꪲ ꪵꪐꪉ ꪘꪉꪰ ꪭꪱ ꪶꪙꪥ ꪹꪚꪷꪉ ꪜꪽ ꪹꪜꪸꪙ ꪶꪁꪉ ꪕꪲ ꪦꪉꪸ ꪵꪀꪉ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ ꪻꪬ ꪙꪮꪉ ꪘꪉꪰ ꪁꪺꪙ ꪶꪒꪉ ꪓꪱ. ꪼꪅ ꪙꪲ , ꪙꪮꪉ ꪥꪉꪰ ꪫꪀꪸ , ꪶꪁꪉ ꪕꪲ ꪹꪀꪱ ꪁꪷ ꪄꪙꪳ ꪹꪩꪱ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪻꪬ ꪙꪮꪉ , ꪹꪋꪷ ꪙꪮꪉ ꪼꪜ ꪹꪥꪸꪒ ꪊꪸ ꪩꪱꪥ ꪚꪱꪫ ꪬꪣꪸ ꪹꪚꪱ ꪣꪲ ꪫꪀꪸ ꪹꪥꪸꪒ ꪭꪳ ꪹꪬꪸꪙ ꪠꪲꪒ ꪣꪳ ꪹꪫꪸꪙ ꪮꪮꪀ , ꪬꪱꪀ ꪫꪱ ꪚꪙꪴ ꪹꪚꪱ ꪒꪲ ꪹꪋꪷ ꪔꪱꪫ ꪣꪱ ꪹꪭꪙ ꪙꪮꪉ ꪁꪷ ꪹꪥꪸꪒ ꪶꪔꪀ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪎꪸ. ꪼꪅ ꪙꪲ ꪼꪫ ꪹꪥꪸꪒ ꪹꪩꪱ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪙꪮꪉ ꪹꪁꪷꪙ ꪼꪒ ꪹꪥꪸꪒ ꪝꪉꪳ ꪔꪱꪉ ꪊꪸ ꪩꪱꪥ ꪎꪉꪰ?

ꪔꪮꪚ:

ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ ꪔꪮꪚ ꪁꪫꪱꪣ ꪘꪱ ꪫꪀꪸ ꪙꪲ ꪹꪏꪉ ꪩꪉꪰ: ꪶꪒꪥ ꪀꪚꪰ ꪋꪴ ꪫꪀꪸ ꪄꪮꪉ ꪝꪲ ꪙꪮꪉ , ꪼꪫ ꪹꪥꪸꪒ ꪹꪩꪱ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪶꪝ ꪹꪥꪷꪒ ꪶꪨꪉ ꪎꪸ , ꪝꪲ ꪙꪮꪉ ꪹꪁꪷꪙ ꪹꪮꪱ ꪝꪉꪳ ꪔꪱꪉ ꪊꪸ ꪩꪱꪥ ꪼꪜ ꪶꪙꪚ ꪘꪉꪰ ꪹꪀꪷ ꪀꪫꪱꪘ ꪚꪱꪫ ꪬꪣꪸ ꪎꪱ ꪶꪭꪥ ꪁꪺꪙ ꪶꪒꪉ ꪓꪱ. ꪶꪭꪣ ꪣꪲ:

- ꪊꪸ ꪩꪱꪥ ꪹꪀꪷꪚ ꪵꪀꪉ ꪎꪮꪣ ꪵꪜꪉ ꪙꪱꪉ ꪁꪫꪱꪣ ꪄꪮꪉ ꫛ ꪶꪊꪣ ꪭꪚꪰ ꪚꪱꪫ ꪬꪣꪸ ꪎꪱ ꪶꪭꪥ; ꪀꪺꪉ ꪙꪽ ꪚꪙꪸ ꪕꪀꪴ ꪝꪷ ꪝꪉꪳ ꪙꪱꪉ ꪁꪫꪱꪣ ꪄꪮꪉ ꪩꪾ ꪣꪷ ꪹꪊꪱ , ꪶꪎ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪼꪒ ꪹꪀꪷꪚ , ꪉꪮꪙ 13 ꪚꪙꪸ ꪕꪀꪴ ꪝꪷ ꪥꪱꪙ ꪶꪋꪣ ꪭꪚꪰ ꪚꪱꪫ ꪬꪣꪸ ꪎꪱ ꪶꪭꪥ , ꪶꪭꪣ ꪣꪲ ꪥꪱꪙ ꪹꪋꪷ ꪶꪙꪚ , ꪢꪀꪳ ꪹꪉꪷꪙ ꪹꪨꪉ ꪶꪙꪚ , ꪹꪒꪷꪙ ꪫꪲ ꪹꪥꪸꪒ ꪫꪀꪸ , ꪚꪮꪙ ꪶꪙꪚ ꪚꪱꪫ ꪬꪣꪸ ꪎꪱ ꪶꪭꪥ.

- ꪊꪸ ꪩꪱꪥ ꪨꪲ ꪩꪀꪲ ꪶꪀꪀ ꪹꪋꪷ ꪶꪋꪣ ꪭꪚꪰ ꪚꪱꪫ ꪬꪣꪸ ꪎꪱ ꪶꪭꪥ ꪫꪱ ꪹꪋꪷ ꪭꪴ ꪹꪬꪸꪙ ꪮꪮꪀ ꪝꪉꪳ ꪙꪱꪉ ꪁꪫꪱꪣ ꪼꪒ ꪚꪙꪸ ꪀꪺꪉ ꪶꪎ ꪚꪱꪫ ꪬꪣꪸ ꪎꪱ ꪶꪭꪥ ꪨꪷ ꪹꪚꪱ ꪵꪣꪙ.

- ꪁꪫꪒꪸ ꪒꪉꪲ ꪄꪮꪉ ꪹꪀꪷ ꪀꪫꪱꪙ ꪣꪲ ꪊꪀꪳ ꪁꪫꪙꪸ ꪀꪺꪉ ꪫꪀꪸ ꪎꪮꪣ ꪵꪜꪉ ꪶꪬ ꪕꪀꪲ , ꪹꪚꪱ ꪁꪷ ꪊꪸ ꪄꪱꪥ ꪎꪉꪲ ꪚꪸ ꪶꪀꪀ , ꪣꪲ ꪚꪙꪸ ꪫꪀꪸ ꪎꪮꪣ ꪵꪜꪉ ꪘꪉꪰ ꪘꪱ ꪕꪱꪉ ꪨꪉꪰ ꪕꪮꪥ ꪩꪺꪉ ꪕꪒꪰ ꪜꪙꪴ ꪘꪉꪰ ꪉꪲ ꪒꪉꪲ ꪶꪎ 158 ꪜꪲ 2005 ꪣꪳ 27-12-2005 ꪄꪮꪉ ꪊꪉꪲ ꪠꪴ ꪶꪒꪥ ꪀꪚꪰ ꪝꪉꪳ ꫛ ꪎꪮꪣ ꪵꪜꪉ ꪶꪬ ꪕꪀꪲ , ꪶꪬ ꪹꪄꪱ.

Thanh Thuỷ - Thành dịch