VOV.Xơ Đăng - ‘Na tơmeăm khoăng lĕm tro a Tây Nguyên, prôa tơnĭng, nâl M’Nông tối cho Gong lŭ), hmâ hlo hên a kơpong têa kroăng Dak Glung, Dak Kar (cho kong pơlê Dak Nông ton nah) nôkố cho kong pơlê Lâm Đồng, châ ngăn cho tơmeăm kơnía git dêi kong kế, kroăng têa, ngo ngối. Ôh tá xê to prôa, mâu kơtóu hmốu mê ối chiâng xúa vâ tôu, ga ai idrâp chuât xơtó chhâk têi môi tiah chêng, koăng. Ing mê, khoh chiâng ai tơdroăng xôi kiâ “Hơ’muăn tối ‘na prôa tơnĭng’’- vâ tối xiâm rêi khoh chiâng ai prôa hmốu tung rêh ối, tuăn loi ƀă tĭng dêi mơngế M’Nông.