VOV4.Xơ Đăng - “Hơ’muăn xiâm rêi khoh ai kơphế’’ cho môi tơdroăng hơ’muăn ton nah dêi Tây Nguyên, hơ’muăn ‘na xiâm kối dêi hdrê kơphế- cho hdrê loăng ki hmâ hlo tung rêh ối, cheăng kâ dêi kuăn ngo kơpong tơnêi kố. Tơdroăng hơ’muăn mê tối, ‘na môi pơlê kŭn tíu mê kuăn pơlê rêh ối ‘nâi hơ-ui pâ dêi rơpó. Tơdroăng hơ’muăn mê tối ai môi ngế rơtăm khên tơnôu, hiăng kâi tơplâ ƀă chêm ki ‘mêi krâ, vâ kring vế kuăn pơlê dế trâm xâu xía. Ing kơtó mơheăm lo drêng tơplâ ƀă dêi rơpó hiăng kơto klêh a tơnêi hlo to mơheăm lâp pơlê, ing mê hiăng huăn môi hdrê loăng tơviah ki dâi lĕm, mê cho hdrê loăng kơphế.