VOV4.Xơ Đăng – Xí Diệu Thanh cho môi tíu ki lĕm krip a cheăm Nhân Cơ, tơring Dak Rlâp, kong pơlê Dak Nông. Mơngế Mạ akố tối Leng Dŭn cho (Xí rơhbá jai) ƀă pơlê Phung vâ tối (pơlê tro rơhbá jâi), xua a rơxông ton nah kuăn pơlê a kố hmâ tro rơhbá jâi. Tối ăm ‘nâi nhên ‘na pơreăng kố, mơngế Mạ ối rak tơdroăng hơ’muăn ton nah “Xiâm kối Leng Dŭn”. Xiâm kối khoh ai rơbhá jâi ối ăm hlo ki rơ-iêo dêi túa tơlá xo on veăng tung môi nhŏng o tơdjuôm môi hdrông hdrê, kuăn ‘nĕng ôh tá dâi, hmâ tro pơreăng, ‘nâ ôh tá chiâng mơngế, châi chó sap ing klêh klêa, tơdroăng châi tâ tú tiô mơheăm hdrông hdrê ƀă hdrông hdrê ki mê rế hía rế râ ó.