VOV4.Xơ Đăng - Hâi Têt a kơpong Tơdế tơnêi têa, a peăng Hdroh tơnêi têa, kuăn pơlê hmâ rôe môi tơkâng reăng mai tâp pleăng dêi a kơƀăng xối jâ pôa. Vâi loi khât, ai tơkâng reăng mai trĭng lĕm hlối ro tung hâi Têt, hlối troh tah ki ‘mêi ôh tá mơhúa tung plâ hơnăm ton. Mâu tơkâng reăng mai trĭng cho vâ pơtih hiâm mơno khên tơnôu ƀă púi ngah tung hơnăm nếo kô trâm tơdroăng pon mơhúa, hơniâp ro, cheăng kâ châ tơtêk ăm kuăn mơngế.