Mơnhên inâi Tíu xah hêi tơnêi tơníu lâp plâi tơnêi UNESCO Dak Nông rôh má 2
Thứ tư, 06:00, 03/07/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Hâi lơ 1/7, kong pơlê Dak Nông hăng châ xo tơdroăng tối tơbleăng păng ‘nâng ing Khu ngăn ‘na khoa hok plâi tơnêi ƀă kơdroh tơdroăng ki ôh tá mơhúa ‘na tơnêi tơníu ối tung Khu tơrŭm hnê hriâm, khoa hok ƀă túa lĕm tro Khu lâp kong têa (UNESCO) ‘na tơdroăng Tíu xah hêi tơnêi tơníu Dak Nông hăng ƀlêi chiâng tơkâ luâ hneăng vêh séa ngăn mơnhên, păng ‘nâng châ mơnhên inâi “Tíu xah hêi tơnêi tơníu lâp plâi tơnêi UNESCO Dak Nông” ăm hneăng mơnhông nếo 2024 – 2027.
Pơkâ vêh mơnhên inâi “Tíu xah hêi tơnêi tơníu lâp plâi tơnêi UNESCO Dak Nông” tiô tối hdrối kô châ diâp ăm kong pơlê Dak Nông a Rôh hôp lâp plâi tơnêi ‘na Tơdroăng Tíu xah hêi a tơnêi tơníu kơpong Châu Á-Thái Bình Dương tơkŭm po a khế 9/2024 a Tíu xah hêi tơnêi tơníu lâp plâi tơnêi UNESCO Non Nước Cao Bằng, Việt Nam.
Tiô jâ Tôn Thị Ngọc Hạnh, kăn phŏ hnê ngăn Vi ƀan kong pơlê Dak Nông, pơkâ mơnhên inâi Tíu xah hêi tơnêi tơníu lâp plâi tơnêi UNESCO hơnăm 2024 – 2027 ôh ti xê to tơdroăng mơnhên mâu ivá mơ-eăm dêi kăn pơkuâ ƀă Kuăn pơlê Dak Nông tung hnoăng cheăng rak vế mơnhông tâi tâng ki kơnía mâu kế tơmeăm, mê ối po troăng a rôh tơ’mot mâu kơxô̆ liăn vâ mơnhông cheăng kâ rêh ối pơlê pơla krá ton.
Viết bình luận