Kố cho tơdroăng ki kal djâ hên khôi túa lĕm, ôm hyô ki lĕm ro ƀă inâi krê dêi tơring Kƀang. Tơdroăng ki kal kum tơring ƀă khu tê mơdró tơbleăng tơmeăm, tơdroăng mơdró tơrŭm ƀă ôm hyô troh ăm tơmối, mơjiâng tơdroăng pêi cheăng hên hĭn, mơnhên Kƀang cho tíu troh ‘’Tơniăn – Hâk vâ má môi – Achê lĕm’’ ƀă tơmối tung kong pơlê ƀă kong pơlê pa kong.

Tung tơdroăng po hâi xah hêi ro, kuăn pơlê ƀă tơmối kô veăng ngăn tíu mơhno khôi túa lĕm tro dêi Hâi xah hêi ro Khôi túa lĕm tro mâu hdroâng kuăn ngo tơring Kƀang. Rơtế a mê, tơmối kô châ hmâng, ngăn mâu túa xuăng, tơdrá rơhdruê, rơngê, ting ting, rêi prôa, têng nêng dêi vâi krâ nah, rơtế châ tâ khôi túa lĕm tro ƀă xah hêi ro tiô khôi vâi krâ nah dêi hdroâng mơngế Bơhnéa.