Pôa Lê Thành Long - Ngế pro xiâm phŏ hnê ngăn tơnêi têa rơtế ƀă hên mâu kăn xiâm, khu xiâm, kơvâ cheăng ƀă Pơlê kong kân Hải Phòng veăng leh. Tơbleăng a rôh pơxiâm po leh, pôa Nguyễn Kim Sơn, Ngế xiâm cho Ngế xiâm pơkuâ ngăn hnê hriâm ƀă hnê mơjiâng tuăn ngôa rơkê ăm ‘nâi, luâ 40 hơnăm mơjiâng ƀă xông tơƀrê, Hneăng tơ’noăng Ivá Phù Đổng lâp tơnêi têa rôh má 10 cho hneăng tơnoăng ivá dêi mâu hok tro ki kân má môi riân sap ing nah ta troh nôkố, drêng ai lối 20.000 ngế  tơ’noăng dêi 60 to kong pơlê, pơlê kong kân, pơlê kong kơdrâm veăng tơ’noăng.

Kố cho tơdroăng ki kal, cho tíu tơkŭm hên má môi dêi tơdroăng mơhnhôk hriâm ivá mo lĕm, mơdêk ivá mo lĕm dêi mâu hok tro phôh thông; pakĭng mê, xuân cho rôh vâ tơ’noăng ngăn ngế ki lâi rơkê tơdroăng ivá tung mâu hok tro tung lâp tơnêi têa.