VOV4.Xơ Đăng – Tơdroăng ‘măn rak ƀă xúa hmâng vâ mâu kế tơmeăm chiâng pơtôu ki hên tơdroăng rơ-iêo, pro ôh tá tơniăn tung pơlê pơla, thăm nếo rơ-iêo troh ivá tơná. Tơdroăng ‘măn rak tơmeăm chiâng pơtôu, xúa hmâng vâ mâu tơmeăm ki chiâng pơtôu (tá mâu pháu hnêa ki tăng pro xêh) ăm tơdroăng xôi luât. Tung pơla hdrối kố hía nah, a mâu pơlê kơpong hngế hngo, mâu khu râ pơkuâ cheăng châ hlo ngế xúa kơtoâ mâu pháu hnêa ki vâi tăng pro xêh.