Tung mê, ai tơpui tơno tung Tơdroăng tơkêa bro Đê cương ngăn tơdjuôm tâi tâng Tơbleăng kal kí ƀă tơdroăng pơxá, troăng pêi Hneăng hôp má 18 Đảng ƀô̆ pơlê kong kân. Tơbleăng đê cương ngăn tơdjuôm tâi tâng tơbleăng kal kí Hneăng hôp kăn teăng mâ roh má 18 Đảng ƀô̆ pơlê kong kân, pôa Nguyễn Văn Phong, Kăn phŏ pơkuâ hnê ngăn Đảng tối ăm ‘nâi, tơdroăng mơjiâng đê cương ngăn tơdjuôm tâi tâng, hiăng tơmâng xo inhên mâu hnê mơhno mơnhên troăng prôk la ngiâ ki kân a pơkâ kơxô̆ 15 dêi Khu xiâm kal kí ‘na troăng pêi la ngiâ hnoăng cheăng mơnhông pơlê kong xiâm troh hơnăm 2030 tơmiât pêi troh hơnăm 2045, mơ-éa chêh hdrối luât pơlê kong xiâm ‘mâi rơnêu ƀă 2 pơkâ pêi ‘na pơlê kong xiâm.

Tơdroăng xiâm dêi Đê cương ngăn tơdjuôm tâi tâng mê cho mơnhên tơdroăng châ tơƀrê pêi pro Pơkâ Hneăng hôp 17 Đảng ƀô̆ pơlê kong kân (2020 – 2025) ƀă pơkâ pêi ngăn tơdjuôm tâi tâng; mâu pơkâ pêi ki xiâm, hnoăng cheăng ki xiâm, tơdroăng ki mơnhông ƀă mâu troăng pêi ki xiâm dêi pơlê kong xiâm hneăng 5 hơnăm 2025 – 2030, mơnhên troăng prôk troh hơnăm 2045, tơmiât pêi troh hơnăm 2065.