Tung rôh hôp kố, Khu pơkuâ ngăn Đảng Dak Lak hiăng tơbleăng mâu tơdroăng pơkâ pơhlêh, pôk ƀă hên tíu pêi cheăng, dêi kăn ƀô̆ ối tung kơvâ cheăng Luât, Khu ngăn liăn ngân, Khu ngăn chiâk deăng ƀă Mơnhông thôn pơlê, Ƀơrô cheăng Vi ƀan hnê ngăn kong pơlê, Khu pơkuâ ngăn Đoân, Khu ngăn hdroâng kuăn ngo, Khu pơkuâ ngăn Đảng mâu tơrng Ea Kar, Ea Súp, Krông Ana, Buôn Đôn ƀă Ea Hleo.

Tơpui pơcháu hnoăng cheăng, pôa Nguyễn Đình Trung, Ngế cheăng tung tíu xiâm Đảng, kăn pơkuâ ngăn Đảng Dak Lak tối nhên, tung hnoăng cheăng kăn ƀô̆, tơdroăng ki pơtroh, pơhlêh kăn ƀô̆ cho tơdroăng pêi ki tiah hmâ, pơtố ƀă ai hnoăng cheăng kal khât vâ hnê hriâp pât ăm mâu kăn ƀô̆ ing tơdroăng ki ai khât, mơdêk ivá khên tơnôu ‘na kal kí ivá pơkuâ tŭm têk dêi mâu kăn ƀô̆.