VOV4.Xơ Đăng - Tung mâu hơnăm hdrối, a mâu pơlê kơpong hngế hngo a Tây Nguyên châ Tơnêi têa ’no liăn pro hên tíu mơ’no têa krúa tơdjuôm. La ga xua ôh tá hlê plĕng tá vâ rak ngăn krâu tơmeăm khoăng mơjiâng pro mê chiâng rĕng tơ’nhiê, kuăn pơlê ôh tá ai têa krúa vâ ôu kâ. Hên tíu, kuăn pơlê thế lăm hnêng têa hơngế châ chât cây xô̆, thăm nếo thế hnê têa kroăng tê krơng ki ôh tá krúa lĕm vâ xúa ôu kâ rêm hâi. Pro pơro kơ’nâi kố ai tối tơdroăng mê pó vâi krâ nhŏng o ƀă pú hmâ kô tơmâng.