VOV.Xơ Đăng - Pơreăng châi klêa chu châu Phi cho môi túa pơreăng ki rơ-iô, rĕng tâ tú a chu, hâi teăm ai pơkeăng ki lâi chiâng pơlât. Pơreăng kố hiăng tâ tú a hên kong pơlê, pro lŭp hên ăm mơngế ki păn chu. Tâng kuăn pơlê kâ hơ’nêh chu ki tâ pơreăng, lơ hvât hvĕng lôi hmâng vâ chu ki hlâ mê, xiâm pơreăng mê kô pơtối tâ tú troh hên tíu ê, tơ’lêi chiâng tâ tú troh lâp lu ƀă pro ‘mêi hyôh kong prâi. Thăm nếo, mâu tơdroăng ki mâu ngế hvât chu hlâ hmâng vâ mê thế pơxâu tro tiô luât. Tiah mê, kuăn pơlê kal pêi ki klâi vâ hbrâ mơdât pơreăng châi klêa chu châu Phi?