VOV4.Xơ Đăng - Tây Nguyên dế mot tung rơnó mêi hngê, kong prâi ai drêng mêi drêng tô cho roh ki tơ’lêi vâ ăm tri trôu ‘ré ‘ró ai kơtâ, chiâng hngâ kuăn hên hnối tơkŏng pơreăng tơngê lo mơheăm. Dế kố, pơreăng tơngê lo mơheăm dế xông tâ tú, ƀă kơxô̆ mơngế tro tâ rế hía rế hên. A mâu pơlê cheăm, tuăn tơmiât ki vâ hbrâ mơdât pơreăng ta hâi krâu khât, thăm nếo hên ngé ối tơngôu, ôh ta bê vâ tơmâng, pro tơná ôh ta ‘nâi; drêng tro tơngê hmếo pơ ti tăng lăm rôe xêh pơkeăng, pơlât ôh tá tro tơdroăng kô xâu xía ó khât troh ivá châ chăn dêi tơná.