VOV4.Xơ Đăng - Phôn râng kŏng, vâi hmâ tối Smarthphone hiăng chiâng tơmeăm ki xúa ôh tá păng lôi tung tơdroăng rêh ối chal nếo nôkố. Gá gum pin tơ’lêi vâ krếo, chêh tối mâu tơdroăng kal ƀă dêi rơpó, tê mơdró, xah hêi lơ pêi cheăng a rêm tíu, rêm chôu. Laga, tơdroăng ngăn xah phôn râng kŏng lối hên ki hmâ tối Smartphone, kô tơdjâk pro chiâng hên tơdroăng ki tơvâ tơvân, ‘mêi tuăn ngôa, ivá châ chăn, tơdroăng cheăng. Mâu ngế ki hiăng “chik ƀă phôn râng kŏng” ôh tá kâi vâ lôi xếo, kô tơdjâk ‘mêi ó troh ivá, tơdroăng rêh ối dêi tơná, tơdjâk troh tơdroăng cheăng, hriâm tâp ƀă mâu tơdroăng ki ê. Pro pơro hâi kố, ngin ai tối tơdroăng mê, pó vâi krâ nhŏng o ƀă pú hmâ kô tơmâng.