Tiô tối tơbleăng, pơla hơnăm 2021-2024 Nghệ An pêi cheăng tâk vâ chê 8%, kơxô̆ liăn rêm ngế pêi lo 62,5 rơtuh liăn hơnăm 2024. Tung 3 hơnăm hdrối, Nghệ An đi đo ối tung khu 10 kong pơlê ki tơ’mot ‘no liăn pêi cheăng ing kong têa ê ƀă tung tơnêi têa. Krê ‘na tơdroăng kơjo gum mơjiâng pro ‘mâi rơnêu hngêi ăm mâu kơtiê, lâp tung kong pơlê hiăng pêi klêi lối 16.000 toăng châ 3/4 tiô pơkâ; mâu luât pơkâ tŏng gum mâu ai hnoăng tơnêi têa ƀă kum tung rêh ối pơlê pơla ki tŏng gum đi đo, tơdroăng rêh ối, tơmeăm khoăng, mơhnhôk tuăn ngôa dêi kuăn pơlê pơtối mơdêk tơƀrê.

Tơdroăng tơkŭm mơjiâng Đảng tơbleăng tâi tâng: pêi pro teăm tơdrêng xing xoăng pro rế lĕm mâu ngế pêi cheăng ăm tơnêi têa, kơdroh biên chế ƀă mơdêk ai pơxúa tơƀrê tung pêi cheăng dêi mâu khu tơrŭm cheăng kal kí rêm râ. Pơtối mơjiâng, ‘mâi mơnhông khu cheăng Đảng, tăng ‘mot mơngế mot đảng viên tung kơpong kuăn ngo ki tiô khôp, kơpong hơngế hơngo ƀă tung khu mơdró pá gong tơnêi têa.