Kăn xiâm pơkuâ IAEA koh tơdah kơ pôa Võ Văn Thưởng, Kăn xiâm hnê ngăn tơnêi têa pin troh pôu tíu pêi cheăng dêi IAEA, mơhno tơdroăng ki ngăn nhuô̆m dêi Việt Nam tung tơrŭm cheăng ƀă IAEA. Pôa Võ Văn Thưởng, Kăn xiâm hnê ngăn tơnêi têa mơnê IAEA, tung pơla ai pơreăng kân COVID-19 hiăng kum ăm Việt Nam mâu kế tơmeăm xúa tung khăm pơlât, tơdrêng amê hlối hnê ‘na kơmăi kơmok ki séa ngăn mơheăm, ing mê kum Việt Nam hbrâ mơdât pơreăng kân tơƀrê ƀă rĕng ‘mâi mơnhông tơdroăng cheăng kâ rêh ối pơlê pơla.

Péa pâ hiăng môi tuăn mơnhên tối pơla IAEA ƀă Việt Nam dế mơnhông tơniăn lĕm, tung mê ai péa tơdroăng tơkêa ki pơxúa ‘na xúa trếo tik nik tung hbrâ mơdât pơreăng ai xiâm kối sap ing kuăn kiâ kong ƀă tung hbrâ mơdât mâu tơdroăng ki hvât xok a têa kơxĭ.