A rôh tơdah, péa pâ vâ môi tuăn khĕn kơdeăn mâu tơdroăng mơnhông tơƀrê tung tơrŭm cheăng pơla péa Đảng, péa tơnêi têa  riân sap ing péa rôh lăm pôu dêi kăn xiâm péa Đảng. Ƀă tơdroăng cheăng dêi péa kơ koan tăng ‘nâi plĕng mâu tơdroăng tơpui kâ dêi péa Đảng, péa pâ mơdêk tơrŭm, ƀă mâu khu xiâm, kơvâ cheăng, khu grup ƀă kong pơlê dêi péa tơnêi têa hbrâ, pêi tơƀrê hlê plĕng tơdjuôm tơrá mâu kăn, mâu tơdroăng tối Tơbleăng tơdjuôm ƀă hlá mơ-éa chêh tơrŭm cheăng pơla péa pâ.

Hdrối mê, pôa Ngô Lê Văn, Ngế phŏ Khu kăn tơpui kâ xiâm hiăng pơkuâ hôp tơpui ƀă khu kăn. Péa pâ tơpui trâu hên mâu tơdroăng vâ tơrŭm cheăng pơla péa pâ, mơdêk tơpui tơno ‘na mâu  ƀă dêi rơpó drăng troăng tơbleăng dêi Đảng tung la ngiâ.