VOV4.Sêdang - ‘’Apoăng mơdêk tơdroăng cheăng tơ’lêi hlâu’’ cho tơdroăng ki vâ tối ‘na môi pơlê pơla, tung mê ai hên hnoăng cheăng, khu pơkuâ [ă mâu kơ koan ai tơdjâk, kum pro tơ’lêi hlâu vâ thăm mơdnhông ‘na mâu khu mơdró kâ hlê ple\ng [ă thăm mơdêk re\ng. A kong pơlê Dak Lak, klêi kơ’nâi 2 hơnăm thăm mơdêk mâu tơdroăng cheăng veăng kum, ‘mâi mơnhông, mê tơdroăng tăng cheăng pêi hiăng châ kum hên tâ. Tiô mâu ngế ki hriăn rơkê ‘na tơdroăng pơxiâm tăng cheăng pêi, kố cho roh ki kong pơlê kal athế thâ pêi pro tơdrêng hdrối mâu tơdroăng ki mơnhông trâu rơdâ, ing mê, kum ăm hnoăng cheăng pro pơxúa kân khât, tơ’mot hên mơngế krê, khu mơdró kâ pơxiâm cheăng pêi. H’Xíu H’Mok, Ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai [ai chêh tối ‘na tơdroăng mê.

VOV4.Sêdang - Hneăng hôp khu râ kăn Đảng lâp tơnêi têa hneăng má 13 tiô tơdroăng tối hdrối kô po apoăng hơnăm la ngiâ ai pơxúa kal khât, [ă hnoăng cheăng ‘mâi rơnêu ngăn tơdroăng pơkâ hneăng hôp má 12 rơtế [ă tơdroăng tối tâi tâng ki hơ’leh nếo, pơkâ troăng hơlâ, pơkâ hnoăng cheăng pêi 5, 10 hơnăm la ngiâ [ă hnoăng cheăng vâ pêi pro troh a hơnăm 2045 ah. Nếo achê pơla kố, tung [ai chêh tối: ‘’ Hbrâ vâ po hneăng hôp thế pêi tro Hneăng hôp má 13 dêi Đảng, tơnêi têa, pơxiâm mot tung mâu hơnăm mơnhông mơdêk nếo’’, pôa Nguyễn Phú Trong, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tối nhên ‘na pơkâ troăng hơlâ vâ pêi troh hơnăm 2045, tơbâ 100 hơnăm mơjiâng Tơnêi têa, tơnêi têa pin chiâng tơnêi têa tơtêk, pêi lo hên liăn ngân. Tơdroăng đảng pơkâ, ki hvái ngăn tơnêi têa troh a tơdế chal, drêng 100 hơnăm mơjiâng tơnêi têa ai pơxúa môi tiah lâi?