VOV4.Sêdang - Tung mâu phim, um ciné, um ki xup chôu phut pôa Hồ Chí Minh, Kăn xiâm hnê ngăn tơnêi têa hneăng apoăng pơchuât Hlá mơ-éa Pơtâng tối tơbleăng mơjiâng tơnêi têa Việt Nam Yân chuh Ko\ng hoa a Plông kân Ba Đình roh mê nah cho a hâi lơ 2/9/1945, ai 20 ngế lêng ki veăng kring vế, gak ngăn Plông ki po leh. Kố cho khu lêng ki râng pháu hơnêa, tu\m têk mâu tơmeăm ki vâ gak ngăn, kring vế tơniăn ăm Pôa Hồ [ă mâu kăn pơkuâ cheăng kăch măng tơnêi têa pin a plông kân ki mê.

VOV4.Sêdang - Kơtăn kố ai 75 hơnăm, klêi kơ’nâi châ [lê trâng dêi Kăch măng Khế Tơheăm, Hâi mơjiâng Tơnêi têa lơ 2 khế 9 hơnăm 1945, teăng mâ Chin phuh pơtân, Pôa Hồ Chí Minh, Kăn xiâm hnê ngăn tơnêi têa hneăng apoăng hiăng pơchuât Hlá mơ-éa Pơtâng tối tơbleăng tơnêi têa tơniăn krê a ngiâ tâi tâng kuăn pơlê, mơjiâng tơnêi têa Việt Nam Dân chủ Cộng hòa. Tung hlá mơ-éa pơtâng tối tơbleăng ki ôh tá kâi piu mê, Pôa Hồ Chí Minh ti xê to vêh mơnhên hnoăng rêh ối dêi kuăn mơngế, hnoăng hdroâng kuăn ngo châ tơniăn krê mê ối mơhno tối ki kơnía kân git, kân ke\ng má môi châ ngăn cho Hlá mơ-éa Pơtâng tối tơbleăng ‘na hnoăng rêh ối kuăn mơngế ki pro têk tung lâp plâi tơnêi.

VOV4.Sêdang - Tung hneăng ki mơnhông pêi cheăng kâ, rêh ối pơlê pơla, ôh tá chiâng ti tơbâ vế hnoăng cheăng dêi khu mơdró kâ. Tâng tung chal tơplâ nah, rêm ngế lêng cho khu ki tơplâ xâ, kho\m châ pro tơleăng le\m tơnêi têa, mê a chal hơniâp le\m, rêm ngế mơdró kâ xuân cho khu ngế ki tơplâ ‘na cheăng kâ-rêh ối.

VOV4.Sêdang - Tung tơdroăng ki hơniâp ro koh tơbâ 75 hơnăm hâi Kăch măng Khế Tơheăm [ă Hâi Mơjiâng tơnêi têa lơ 2 khế 9, hâi kố xuân klăng 51 hơnăm hâi Pôa Hồ Chí Minh, Kăn xiâm hnê ngăn hneăng apoăng tơnêi têa pin hlâ. Maluâ tá hâi teăm ai roh lăm pôu, la Pôa Hồ đi đo ai hiâm mơno ki mơjo pâ khât ăm mâu hdroâng kuăn ngo a Tây Nguyên. Tơbâ vế hnoăng cheăng ki kân khât dêi Pôa, mâu hdroâng kuăn ngo a Tây Nguyên tơhrâ kô tơru\m, kơdo mơ-eăm pêi cheăng vâ mơjiâng pơlê cheăm kro mơdro\ng.