VOV4.Sêdang - To lâi hơnăm hdrối nah, tơdroăng mung liăn tơvêh laih hên pro pá ăm kuăn pơlê [ă tơdroăng kố hiăng troh tung kơpho# kong pơlê Dak Lak pro hên rơpo\ng hngêi trâm pá puât, on veăng rơpo\ng hngêi tơ-prâ tơpru\ng, chiâng ôh tá ai hngêi, hía tơnêi pêi kâ. Kuăn pơlê mung liăn ki tơvêh laih hên. Kơnôm ai khu xiâm cheăng kal kí veăng tơmâng pro kơtăng khât tung tơbleăng luât pơkâ to\ng kum, malối rơkê tung po troăng tăng xiâm liăn ăm kuăn pơlê châ mung tơdrêng ing hngêi rak liăn, mê tơdroăng mung liăn tơvêh laih hên hiăng chôa lâng kâi mơdât.