VOV4.Sêdang - Xuân môi tiah mâu pơlê cheăm tung lâp tơnêi têa, hơnăm 2019 mâu kong pơlê kơpong Tây Nguyên hiăng môi hiâm môi mơno, tơru\m [ă hnoăng cheăng xiâm má môi pêi pro klêi mâu tơdroăng cheăng kâ-rêh ối pơlê pơla, mơjiâng chiâng ivá rak vế, pêi pro châ [lêi chiâng mâu tơdroăng pơkâ dêi hơnăm 2016 troh hơnăm 2020. Riân sap ing nôkố, mâu kong pơlê hiăng pơxiâm séa mơnhên ngăn mâu hnoăng cheăng dêi tâi hneăng, tơdroăng chêh tối tơbleăng pơtroh hneăng hôp kân Đảng [o# rêm râ, vâ hbrâ koh hâk Hneăng hôp kân Đảng má 13. Ki păng ‘nâng ăm hlo, mơgêi hơnăm 2019, tơdroăng pêi cheăng kâ a Tây Nguyên hiăng hlo mâu tơdroăng ki mơnhông tơtêk, ‘na cheăng kơmăi kơmok, uâ mơdiê kế tơmeăm, mơjiâng inâi kế tơmeăm tê mơdró. Mâu tơdroăng ki châ chiâng pêi pro kố mơni kô kum mâu kong pơlê tơkâ luâ mâu tơdroăng pơloăng mơnúa tiô túa ki hmâ dêi cheăng kâ ki bu kơnôm to tơdroăng pêi chiâk pêi deăng, vâ xông tơtêk châ tơdâng.