VOV4.Sêdang - Mâu hơnăm hiăng hluâ, rơtế [a\ hnoăng cheăng kring vế, gak ngăn hnoăng pơkuâ tíu tơkăng kong xo\n lối 73 km tơkăng kong [a\ kong têa Kul, Mô đo#i kring vế tíu tơkăng kong Dak Lak ối pêi tơtro tơdroăng to\ng kum hnê hriâm, tơbleăng ‘na luât, mơdêk ki hlê ple\ng dêi kuăn pơlê kơpong tíu tơkăng kong. Ing tơdroăng diâp kơxop mơ-éa chêh, kơxop mơ-éa hriâm, po mâu tíu pơchuât kơxop mơ-éa pơlê pơla, mâu lâm hnê chư, vâi krâ kơpong tíu tơkăng kong châ hriâm, hmâ [a\ tơdroăng pơchuât kơxop mơ-éa, thăm hlê ple\ng hên tơdroăng. Ing mê, hlê ple\ng dêi kuăn pơlê chôa ‘lâng ‘hơ’leh, tơdroăng xúa khoa hok kih thuât tung pêi chiâk deăng châ thăm mơnhông kum.

VOV4.Sêdang - Hdrối vâ pơkâ ‘no liăn mơjiâng pro rơchôa têa Ia Mơr, tơdroăng cheăng hriăn ngăn, mơnhên hlo hiăng châ mâu Khu râ xiâm pêi pro nhên khât. Laga, xua ti lâi troh nôkố, drêng rơchôa ki kal kân xiâm dêi tơnêi têa kố klêi kơ’nâi mơjiâng la ôh tá ai klâng chiâk vâ tôh, pro mơ’nhê liăn ngân ó ‘nâng. Hnoăng cheăng dêi khu ki ‘no liăn ngân mê cho Khu xiâm ngăn ‘na chiâk deăng [ă mơnhông thôn pơlê châ séa mơnhên ngăn tiah lâi? {ai ki má péa tung khu [ai: ‘’Tăng troăng hơlâ ki lâi ăm rơchôa ki 3 rơpâu rơtal liăn ki ôh tá châ tôh klâng chiâk mê’’ ai inâi ‘’Ki tơviah dêi rơchôa ki kân la ôh tá ai klâng chiâk tôh!’’ kô mơnhên ‘na tơdroăng ki kố.