VOV4.Sêdang – Sap ing mơ’nui khế 8, sầu riêng ki tê ngi kong têa ê a Dak Lak pơxiâm mot tung rơnó krí xo khât. Sap ing mơeăm chiâng kơvâ kế tơmeăm ki tê châ rơpâu rơtal liăn, sầu rêng hiăng chiâng troăng mơnhông mơdêk nếo dêi vâi krâ nho\ng o a tíu kố. Xuân tơdroăng ki ai plâi kơtốu hên tê châ yă mâu hơnăm hiăng luâ drêng tê châ kơnâ, châ lối 90 rơpâu liăn môi kg a mơ’nui rơnó a hơnăm nah. La troh hơnăm kố, mâu tơdroăng ki tôu tuăn hiăng trâm drêng túa pơkâ [ăng tơnêi pêt rế hía rế hên, yă tê hiăng chu kơdroh bu ối tơdế, iâ tâ hên tâng pơchông [ă khế kố hơnăm 2018.

VOV4.Sêdang - Hâi kố lơ 7/9 pơ’lăng 74 hơnăm hâi mơjiâng Rơ’jiu xiâm Việt Nam (lơ 7/9/1945- 7/9/2019). Ôh tá xê to hâk tơngăm châ rơtế [ă tơnêi têa, ‘’ Rơ’jiu xiâm Việt Nam ‘’ ối cho kơxái ki tơdjêp, rơtế veăng hnê tối, kum hên mâu ngế pá puât hliăng tiâ châ trâm tơdroăng ki hơniâp ro. Tơdroăng hơ’muăn ‘na prếi on veăng ki chó kô xo dêi rơpó ing Tíu xiâm Rơ’jiu Việt Nam, ing mê tơdroăng rêh ối dêi prế ki ‘nâi hơ ui pâ dêi rơpó hlối hơniâp ro.