VOV4.Sêdang - Xua tơdroăng rêh ối [ă ki rơhêng vâ tơdrêng, kuăn pơlê a Dak Lak, malối cho mâu ngế ki a kơpong hngế hngo ki xơpá vâ châ mung liăn ing hngêi rak liăn [ă tơdroăng ki ôh tá ‘nâi hdrối tơdroăng kô trâm mê hiăng tăng troh tơdroăng ki mung liăn mơdrếo laih kơnâ dêi mâu ngế krê xua mâu tơdroăng ki chêh pro hlá mơ-éa lối tơ’lêi. Tơdroăng kố hiăng pro pơloăng khât ăm hên kơvâ, tơdjâk ‘mêi troh rêh ối cheăng kâ, kring vế pơlê pơla. Vâ kơdroh tơdroăng ki mung liăn mơdrếo laih kơnâ rế hên a kong pơlê, tung pơla hdrối nah, Hngêi rak liăn Agribank Dak Lak hiăng tối tơbleăng mâu troăng hơlâ po rơdâ ăm mung kum cheăng, pơtối ăm mung hên kơxo# liăn tiô tơdroăng ki rơhêng vâ dêi kuăn pơlê ki mơdró kâ, pêi chiâk deăng, kum vâi châ mung liăn ing hngêi rak liăn tiô túa ki tơ’lêi hlâu tâ, kơdroh tơdroăng ki mung mơdrếo laih hên. Nam Trang, ngế chêh hlá tơbeăng ai chêh tối.