VOV4.Sêdang - Môi tiah hiăng tối tơbleăng, mâu kong pơlê Tây Nguyên tơbleăng hên mâu mơ-éa hnê mơhno khu râ kăn pơkuâ cheăm, tơring, mâu kơvâ cheăng pêi pro pơkâ dêi Ngế pro xiâm hnê ngăn Chin phuh ‘na thăm gâk ngăn kong, mơdât ôh tá ăm mot tung kong ki ai xêh; po rơdâ tơdroăng pêi pro hnê mơhno pơkâ 13 hơnăm 2017 dêi Khu xiâm pơkuâ hnê ngăn cheăng Đảng ‘na thăm mơnhông hnoăng dêi Đảng [a\ tơdroăng gâk ngăn kong [a\ mơnhông pêt kong. Laga, vâ chê tâi tâng mâu tơdroăng tơkêa bro ăm mung kong ki mâu kong pơlê k^ ăm mâu khu tê mơdró, pơrá cho tíu ki tá hâi tro, chiâng pro hía kong hên ó; ăm mung kong môi tiah ăm tê kơtê. Mâu kong pơlê hiăng xo tơvêh lối 200 tơdroăng tơkêa bro, laga ôh tá hlo châ pơxúa klâi, xua ối ai hên tíu ki ôh tá tro ki ê rơtế [a\ tơdroăng ôh tá pôu râng hnoăng cheăng xuân pơtối ai, tơdroăng hía kong pơtối ối ai. Pơtối tơdroăng pơxá ‘’Mơdêk hnoăng – ôh tá pôu râng hnoăng cheăng [a\ tơdroăng hía kong a Tây Nguyên’’, ngế chêh hlá tơbeăng dêi Rơ’jíu Việt Nam ai chêh tối ‘’Tơdroăng tơkêa bro mơgêi, laga pơxiâm tơvâ tơvân’’.