VOV4.Sêdang - Mot tung rơnó ôm hyô hơnăm 2018, tơdroăng cheăng dêi khu ngế ki lu lêa kâ xo liăn vâi ing tơdroăng ki ôm hyô a pơlê kong kơdrâm Đà Lạt, kong pơlê Lâm Đồng dế pơtối hlo ai nếo. Kơ koan ki ai tơdjâk dêi pơlê kong kơdrâm Đà Lạt, kong pơlê Lâm Đồng dế mơ-eăm pơxâu phâk, ‘mâi rơnêu tơdroăng kố. Quang Sáng, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối. Mâu hâi hiăng hluâ, kơxo# tơmối troh a Đà Lạt vâ ôm hyô tâk hên xuân cho drêng ai hên mơngế tăng kâ kơhveăm liăn tơmối ôm hyô a pơlê kong kơdrâm tâk hên. Tíu lâi xuân ai tơdroăng toi hrot, ti tiô tơmối laga tơku\m kơdrâm má môi cho a kơpong tíu xiâm, mâu troăng kân Bùi Thị Xuân, Phù Đổng Thiên Vương, Nguyên Tử Lực [a\ mâu kơpong ôm hyô tung pơlê kong kơdrâm.