VOV.Xơ Đăng - Mơngế Rơđế - môi tung mâu hdroâng kuăn ngo pêng păm khôi túa lĕm tro a kơpong Tây Nguyên kơpong kân rơdâ – a môi tíu ngê̆ thuât kơhnhon xuăng kơnía phá tơ-ê má môi. Mâu túa, rơ-rêk xuăng dêi vâi ôh tá xê to mơhno ki lĕm tro ‘na châ, túa, rơ-rêk ƀă tơdroăng ki chiâng lĕm tung ngê̆ thuât mơđah tơbleăng, mê ối mơhno trâu hơngế tơdroăng rêh ối ‘na hiâm mơno, tơdroăng loi tơngah ƀă tíu xiâm dêi tơmeăm kong kế.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Phạm Minh Chính, Ngế pro xiâm hnê ngăn Chin phuh veăng hôp a Rôh hôp Khu mơdró kâ Việt Nam ‘na inâi thăm mơnhông ngiât. -Pôa Trần Thanh Mẫn, Kăn xiâm hnê ngăn Kuô̆k hô̆i pơkuâ po Rôh hôp má Pái, Hô̆i đong tâ phĭu Tơnêi têa. -Kăn hnê ngăn UBND kong pơlê Gia Lai pơtroh kơthô krếo thế tâi tâng khu cheăng kal kí tơdjuôm ivá gum ‘mâi mơnhông tơmeăm khoăng klêi kơ’nâi khía mơhot 13 pro. -Kong pơlê Lâm Đồng tơkŭm po Mơdĭng Chế Lâp plâi tơnêi ƀă hên tơdroăng cheăng pêi pro tiô kong têa ê. Ngế pro xiâm hnê ngăn kong têa Siam hnê mơhno hôu tâi tâng tơkêa dế tơbleăng pêi ƀă Kul ‘na troăng hơlâ pơkâ tơleăng tơdroăng a kăng kon.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Phạm Minh Chính, Ngế pro xiâm hnê ngăn Chin phuh veăng ai mâ a leh pơxiâm pro 72 toăng hngêi trung phôh thong ai tíu kâ koi ối pơtê a mâu cheăm kăng kong.. -Kuô̆k hô̆i mơdoh kơxo má hâi lơ 10/11 vâ hôp krê ‘na cheăng mâu ngế pêi cheăng, a Hneăng hôp rôh má 10. -Pôa Hồ Quốc Dũng, Phŏ Ngế pro xiâm hnê ngăn tơnêi têa pêi cheăng ƀă Kăn pơkuâ kong pơlê Gia Lai. -Rusi vêh tối nhên tuăn tơmiât krê tung tơpui kâ la ngiâ ƀă Mih ƀă tơdroăng a Ukraina. -Kăn xiâm pơkuâ pơtân Syria pơxiâm lăm pôu Mih.

VOV.Xơ Đăng

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu tơdroăng kơ’nâi kố: -Pôa Phạm Minh Chính, Ngế pro xiâm hnê ngăn Chin phuh tơdah kăn pơkuâ mâu khu tê mơdró kơmăi kơmok điê̆n tưh Khu tơrŭm tê mơdró kơmăi kơmik điê̆n tưh lâp plâi tơnêi. -Kơxo kố lơ 7/11, Kuô̆k hô̆i pơtối roh hôp hneăng má 10, Kuô̆k hô̆i hneăng má 15 ƀă tơdroăng mơjiâng luât. -Mơhot roh má 13 pro hên tro lŭp ‘na mơngế ƀă kế tơmeăm a Peăng hdroh pá tơdế tơnêi têa ƀă Tây Nguyên. -Mih ƀă – Trung Á tơkŭm po Hneăng hôp khu râ kăn xiâm C5+1. -Pakistan prế Afghanistan vêh tơdjêp tơpui tơno hơniâp lĕm.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Phạm Minh Chính, Ngế pro xiâm hnê ngăn Chin phuh diâp Pơkâ pôk pôa Nguyễn Quốc Đoàn pro Phŏ kăn Séa ngăn Chin phuh ki ai mâ đi đo. -Hâi kố, Kuô̆k hô̆i tơpui tơno a tôh ‘na tơdroăng tơkêa luât pơhlêh kơxô̆. -Nam Trung ƀô̆ - Tây Nguyên tơkŭm ivá tơbleăng pêi túa pơkâ hbrâ ví ƀă khía mơhot kân rôh má 13, hbrâ rơnáu ‘mâi xĕn kuăn pơlê troh ối a tíu tơniăn. -Ấn Độ - Nhuk thăm mơnhông tơrŭm tung mâu kơvâ cheăng tung la ngiâ. -Mâu kong têa EU hiăng môi tuăn ‘na tơdroăng pơkâ hyôh kong prâi hơnăm 2040.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ai mâu tơdroăng kal xiâm kơ’nâi kố: -Pôa Phạm Minh, Ngế pro xiâm hnê ngăn Chin phuh pơkuâ roh hôp ‘na IUU -Pôa Lương Tam Quang, Ngế xiâm pơkuâ Kŏng an mơhnhôk tơdroăng tơ’noăng ‘’Pái ối má môi’’ tung Kŏng an kuăn pơlê -Nam Trung Bộ - Tây Nguyên hbrâ ví kong mêi khía mơhot roh má 13 -Sinuâ – Rusi thăm tơrŭm cheăng ton xŏn, po rơdâ tơrŭm tung hneăng nếo -Kăn xiâm chêh tôm xo rơkong Khu lâp kong têa pơkâ pêi tiô pơkâ pơtê tơpĕng Gaza

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Ngế pro xiâm hnê ngăn Chin phuh krếo thế mâu khu mơdró kâ tung lâp tơnêi têa pơtối tơdjuôm ivá gum kuăn pơlê kơpong ki tro têa lân lu rĕng tơniăn tung rêh ối. -Mâu kong pơlê kơpong Tây Nguyên, Nam Trung Bộ hbrâ ví khía mơhot têa kân lân lu rôh 13. -Mố đô̆i po troăng mot tung 5 to pơlê dêi mơngế Rơteăng a Quảng Ngãi dế tro tơnêi tơhnah tơhnâp. -Ngế pro xiâm hnê ngăn kong têa Rusi prế Ngế pro xiâm hnê ngăn kong têa Sinuâ hôp tiah hmâ, tối rơdêi tơdroăng tơngah po rơdâ tơrŭm cheăng tŭm têk pơla 2 tơnêi têa. -Khu tơrŭm châu Âu vêh po mâu rôh hôp tơpui tơno Tơkêa Tê mơdró tơniăn krê ƀă Ấn Độ.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Tô Lâm - Kăn xiâm pơkuâ hnê ngăn Đảng tơdah pôa (Phit Hek-sờt) Pete Hegseth - Ngế xiâm ngăn tơplâ kong têa Mih. -Jâ Võ Thị Ánh Xuân - Phŏ kăn xiâm hnê ngăn tơnêi têa veăng Hôp tơ’noăng pâ nhoăm tơnêi têa Pơlê kong kân Cà Mau. -Khu mơdró Dak Lak khên tơnôu mơnhông tê mơdró a kong têa Hàn Quốc. -Ngế xiâm hnê ngăn kong têa Ăng-glê, Alơmăng ƀă Jordan krếo pơtê tơplâ tơdrêng hlối a Sudan. -Kăn xiâm pơkuâ kong têa Syria kô rôh apoăng lăm pôu Mih.

VOV.Xơ Đăng - Tĭng rơkâu xối kơno têa cho môi túa rơkâu xôi loi tĭng kơ xeăng, khôi tơlá ki kố ga hiăng ai sap ing chal vâi krâ nah dêi hên hdrông kuăn ngo a Tây Nguyên, mơhno tối ‘na tơdroăng ki mơnê nhuô̆m kơ kơnhŏng têa- cho têa mŏng ki rêh ối dêi pơlê pơla, cheăm bêng. Mâu hơnăm achê pơla kố, kơnôm ai tơdroăng mơ’no liăn tŏng gum dêi kơvâ ngăn ‘na túa lĕm tro dêi Tơnêi têa, mê hên vâi krâ-nhŏng o a mâu pơlê cheăm hiăng vêh mơnhông, veăng tơrak vế, chúa djâ khôi túa lĕm tro tunjg tĭng rơkâu xối kơno têa, ing mê veăng rak vế khôi tơlá ki lĕm krê xêh dêi mâu mâu hdrông kuăn ngo, tơdrêng amê, xuân mơjiâng chiâng môi tơmeăm khoăng ki tơniăn vâ po tơdroăng ôm hyô, tơ’mot khu tơmối mot lo, pôu ngăn, xah hêi.