VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Tô Lâm, Kăn xiâm pơkuâ hnê ngăn cheăng Đảng pơkuâ po Rôh hôp ‘no tơdrêng ing troăng hyôh internet ‘na tơdroăng tơbleăng Pơkâ kơxô̆ 57 dêi Khu xiâm pơkuâ tơdroăng kal kí ‘na pơhlêh nếo tơmiât pêi rơkê. -Tơkŭm 3 Tơdroăng pơkâ tơnêi têa: Mơjiâng thôn pơlê nếo, kơdroh kơtiê krá ton, mơnhông cheăng kâ rêh ối pơlê pơla kơpong kuăn pơlê hdroâng kuăn ngo ƀă kong ngo. -Kong pơlê Khánh Hòa tơkŭm po Hneăng tơ’noăng pâ nhuô̆m tơnêi têa rôh má I, hơnăm 2025 – 2030. -Khế 11 la ngiâ, kong pơlê Quảng Ngãi kô pơxiâm pro 4 toăng hngêi trung phôh thong ai tíu kâ koi ối pơtê a mâu cheăm tơkăng kong. -Siam po Mơđah tơbleăng um lâp plâi tơnêi LogiMAT ƀă LogiFOOD Đông Nam Á 2025.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm kơ’nâi kố: -Pôa Tô Lâm, Kăn xiâm pơkuâ hnê ngăn Đảng trâm mâ kuăn pơlê pêi chiâk deăng Việt Nam kơhnâ rơkê. -Pôa Phạm Minh Chính, Ngế pro xiâm hnê ngăn tơnêi têa veăng leh pơxiâm mơjiâng pro Hngêi trung ai tíu kâ koi ối pơtê hên râ a kơpong tơkăng kong kong pơlê Thanh Hóa. -Dak Lak mơdêk mơnhông khoa hok tiô Tơdroăng pơkâ 57. -Việt Nam – Pakistan mơdêk tơrŭm cheăng kâ ƀă tê mơdró. -Mih pơxiâm pêi pro hneăng má péa môi tuăn pơtê tơpĕng Gaza.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Hneăng hôp Đảng ƀô̆ Chin phuh pơkâ tơdroăng vâ pêi tâk ki tơƀrê, mơnhông tơnêi têa rĕng ƀă krá tơniăn tung chal ki nếo. -Kong pơlê Khánh Hòa rĕng ‘no liăn ăm tơdroăng cheăng tơdjuôm. -Lâm Đồng tơ’mot 35 rơpâu rơtal liăn ‘no pêi cheăng klêi kơ’nâi Hneăng hôp Đảng ƀô̆ kong pơlê. -Rôh hôp mâu kăn pơkuâ tung lâp plâi tơnêi vâ ‘mâi mơnhông tơdroăng loi ƀă ivá mơ-eăm ăm tơdroăng mơnhông dêi vâi kơdrâi. -Israel kơ’nêi tơniăn ăm vâ chê 2 rơpâu ngế kroăng phâk Palestine, klêi kơ’nâi Hamas kơ’nêi 20 ngế ki vâi rup.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Tô Lâm, kăn xiâm pơkuâ hnê ngăn cheăng Đảng veăng ai mâ a Leh tơbâ 80 hơnăm Hâi mơjiâng Khu lêng kring vế Kuân khu 4. -Kơxo lơ 13/10 păng ‘nâng po rôh hôp Đảng ƀô̆ Chin phuh rôh má môi. -Pôa Nguyễn Hòa Bình, Phŏ Ngế pro xiâm hnê ngăn tơnêi têa veăng hôp a Rôh hôp mơdêk ‘no liăn cheăng Lâm Đồng 2025. -Ngế xiâm tơpui kâ Siam mơdêk hơniâp lĕm kơpong a Malaysia. -Israel hbrâ tơdah pôa Donald Trump, kăn xiâm pơkuâ kong têa Mih.

VOV.Xơ Đăng

VOV.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm kơ’nâi kố: -Pôa Lương Cường, Kăn xiâm hnê ngăn tơnêi têa veăng leh tơbâ 80 hơnăm Hâi tơbâ Mơngế pêi ‘na Luât, Cheăng tơleăng dêi Việt Nam. -Pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp trâm mâ teăng mâ khu tê mơdró klăng Hâi Ngế tê mdró Việt Nam (13/10) -Hâi kố, păng ‘nâng tơkŭm po Hneăng hôp kăn teăng mâ Đảng ƀô̆ Lâm ồng roh má I, hneăng hơnăm 2025 – 2030. -Lâp plâi tơnêi phiu ro môi tuăn hơniâp lĕm Israel – Hamas. -Rusi ƀă Tajikistan thăm tơrŭm tung kơvâ gâk kring ƀă cheăng lêng.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Tô Lâm, Kăn xiâm pơkuâ hnê ngăn cheăng Đảng troh a Bình Nhưỡng pơxiâm rôh pôu râ Tơnêi têa troh Kŏng hoa Yân chuh Nhân yân Triều Tiên. -Pôa Phạm Minh Chính, Ngế pro xiâm hnê ngăn Chin phuh troh Thái Nguyên hnê mơhno cheăng ‘mâi mơnhông kế tơmeăm xúa kong mê têa lân lu pro. -Nam Trung Bộ - Tây Nguyên rơhêng vâ châ hriâm tơdroăng pêi chiâk deăng ăm kăn ƀô̆ kong pơlê. -Pôa Vladimir Putin, kăn xiâm pơkuâ kong têa Rusi pôu râ Tơnêi têa troh Tajikistan. -Po Rôh hôp khu râ kăn xiâm mâu khu ki ‘no liăn cheăng 2025 po a Indonesia.

VOV.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm tiah kố: -Pôa Phạm Minh Chính, Ngế pro xiâm hnê ngăn tơnêi têa pơkuâ Roh hôp roh má 16 Khu hnê mơhno Tơnêi têa ‘na hbrâ mơdât tơnăng ká xi xŏng ôh tá tro luât. -Hâi kố, Pơxiâm po Roh hôp má 50 dêi Vi ƀan pơkuâ Kuô̆k hô̆i. -Lâm Đồng hbrâ ăm Hneăng hôp Đảng ƀô̆ kong pơlê roh má Môi. -Ngế pro xiâm hnê ngăn kong têa Ấn Độ tơpui tơno ƀă Kăn xiâm pơkuâ kong têa Rusi. -Grup kring vế Khu lâp kong têa kơbông krếo thăm mơdêk hnoăng dêi vâi kơdrâi tung rak hơniâp lĕm ƀă gâk kring

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Khu pơkuâ ngăn xiâm Đảng tơpui tơno, pơkâ mâu tơdroăng ki kal ‘na tơdroăng cheăng kăn ƀô̆. -Ngế pro xiâm hnê ngăn Chin phuh hnê mơhno pơtối séa ngăn klâ xoăng, pro rơkê, tơkŭm kơ koan cheăng tơnêi têa, rak vế tơniăn tơdroăng khăm pơlât ăm kuăn pơlê tơ’lêi má môi . -Kong pơlê Dak Lak rĕng pro klêi tâi tâng tơdroăng ki kal ‘na tơnêi tơníu ƀă tíu kuăn pơlê rêh ối. -Lâm Đồng hbrâ rơnáu pơxiâm pro troăng kân Tân Phú – Bảo Lộc apoăng khế 12 la ngiâ . -Khu lêng pái to kong têa Lếo – Việt Nam – Kul tơkŭm po Rôh hriâm tŏng xo mâu ngế hliăng tiâ.

VOV.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố: -Pôa Lương Cường kăn xiâm hnê ngăn tơnêi têa pơtroh kơthô rơkâu Têt trung thu 2025. -Pôa Phạm Minh Chính Ngế pro xiâm hnê ngăn tơnêi têa pơkuâ rôh hôp chin phuh tiah hmâ khế 9. -Lâm Đồng ƀă Quảng Ngãi tơmâng ‘no liăn pêi pro tơdroăng xah hêi trung thu ăm vâi hdrêng kơpong hơngế hơngo. -Rusi -Iran pơxiâm xua pêi pro tiô Luât Tơhrâ Tơrŭm cheăng tung tŭm tơdroăng. - Mâu kong tê Arab ƀă Islam hâk nâ tơdroăng ki Hamas pêi pro hdrối tơdroăng pâ thế hơniâp lĕm, dêi kăn xiâm pơkuâ kong têa Mih.