Troh nôkố, 6.465 toăng hiăng pro klêi, 10/17 to cheăm pơxiâm pro tâi tâng kơxô̆ hngêi tiô tơdroăng pơcháu; tung mê 6 to cheăm hiăng pro klêi tâi tâng kơxô̆ hngêi châ pơcháu. Mâu tơring cheăm prôk troăng ahdrối mê cho: Pleiku, An Khê, Ayun Pa, Đak Pơ, Phú Thiện, Krông Pa, Đức Cơ, Chư Sê, Đak Đoa ƀă Kbang.

Tung pơla tơbleăng pro, mâu tơring cheăm trâm hên xơpá ‘na hâi khế kal rĕng pro, ôh ti ai ngế pro, yă roê tơmeăm pro to kơnâ. Laga, kơnôm ing mơhnhôk khu lêng ƀă khu cheăng, tơdroăn kố hiăng rak tơniăn tơdroăng pro. Apoăng rơnó mê hngê hơnăm kố, lối 6 rơpâu rơpŏng kơtiê, vâ chê kơtiê, rơpŏng châ tơnêi têa gum hiăng ai hngêi ối lĕm krá, tơniăn, kơdĭng liăn ‘no hrê.