

Đĭ đăng tơdrong bơ̆ jang pơlong năng đei dăr lăng hơlen kơjăp, pơdăh kơtă truh rim hơnih jang tơm vă Khul kơdră chĕp pơgơ̆r Đảng dêh char Lâm Đồng, Bình Thuận păng Dak Nông lăng hơlen. Lơ̆m jơ ‘năr bơ̆ jang pơlong năng jĭ trŏ lăp hăm trong tơlĕch jang. Ƀok Y Thanh Hà Niê Kđăm, Bí thư Đảng dêh char Lâm Đồng sơkơ̆t hơdăh, tơdrong rim hơnih bơ̆ jang tơring iung jang pơlong năng ưh khan lăp “hơyak blŭng bơ̆ jang kih thuơ̆t” vă pơm joăt hăm trong bơ̆ jang ‘nao, mă oei jing jơ rơvơn yan ou vă rim hơnih bơ̆ jang, tơring bơ̆ jang ‘lơ̆ng hloh dơ̆ng lơ̆m pơrô̆ bơ̆ jang. ‘Nou jei jing trong “hơlen lăng” tơdrong kĕ chĕp pơgơ̆r, iung jang hơdoi ƀar păh rim hơnih bơ̆ jang, khul kơdră chĕp pơgơ̆r tơring hle. Dôm tơdrong tơhlăk tơhlĭn, sơ̆l vơ̆l kăl đei hơmet pơ ‘lơ̆ng tĕnh koăng hơdrol kơ đĭ đăng 124 tơring, phương, tơring tơm mơ̆t bơ̆ jang tơpă.
Kơsơ̆ 23/6, phường Nam Gia Nghĩa (pơlei tơm Gia Nghĩa, Đắk Nông) hlôi pơtơm ăn bơ̆jang pơlong lăng. Dôm hla ar ƀơm truh gah teh, hộ tịch... hlôi đei sơng iŏk păng hơmet pơ ‘lơ̆ng tôm ăn kon pơlei, ăn ƀôh tơdrong hơmet tôm păng khŏm jang đơ̆ng khul bơ̆jang ‘nao. Phường Nam Gia Nghĩa đei pơjing kiơ̆ lơ̆m tơmơ̆t hơdai phường Nghĩa Phú, Nghĩa Tân păng xăh Đắk R’Moan (pơlei tơm Gia Nghĩa, Đắk Nông).

Tơdrong jang phường ‘nao ‘noh đei dôm anih jang: Anih pơvih, Lăm Mŭk drăm - Anih jang kăl anih kơdrơ̆m, Lăm Joh ayŏ - Tơpôl păng Anih bơ̆jang teh đak, kŭm hăm dôm anih bơ̆jang teh đak đơ̆ng dôm tơring tơmơ̆t hơdai. Akŏm ƀiên chê̆ dang 120 ‘nu. Lơ̆m năr bơ̆jang pơlong lăng, đĭ đăng dôm hla ar hô sơ đơ̆ng kon pơlei păng anih mơdro sa tă kơ đĭ đei hơmet pơ ‘lơ̆ng hiôk ngăl.
Viết bình luận