Thủ tướng sơkơ̆t hơdah, ou jĭ 'măng pôk bơnê kơ dôm tơdrong tơgop kăp gĭt đơ̆ng kang ƀô̆ drăkăn lơ̆m tơdrong jang tơbôl, atŭm hăm noh pơtoi sơkơ̆t hơdah tơdrong pran đơ̆ng Việt Nam lơ̆m tơdrong hơtŏk hơtŏ hơnơ̆ng drŏnglo drăkăn păng hơtŏk tơdrong vang jang đơ̆ng đe drăkăn lơ̆m tơdrong pơjing minh apŭng plenh teh rơngei sơđơ̆ng, jang hơdoi păng hơtŏk tơ-iung kơjăp. Lơ̆m tơdrong iung tơjră păng tơ-iung pơjing, vei lăng teh đak đei tơdrong plang, tơgop kăp gĭt đơ̆ng đe drăkăn Việt Nam, dôm bơngai drăkăn jang tơbôl tơgop ăn tơdrong rơngei hiôk hian, phĭ tơtŏ kơ teh đak, kơ kon pơlei.

Thủ tướng pơgơ̆r Anih tơm jang Tơbôl pơm trong hiôk hloh dơ̆ng ăn đe drăkăn jang tơbôl gơh jang tơnăp hloh sơnong jang kơ po, răk 'măn lơ tơdrong 'lơ̆ng hăm bôl buăl apŭng plenh teh gah đon bơnôh, plei nuih kơ đe drăkăn jang tơbôl; atŭm hăm noh rim bơngai drăkăn jang tơbôl athei tơƀôh tơdrong hơgei kơ po, vă atŭm băl hơ-'nhăk apŭng plenh teh yak kơjăp lơ̆m jăl trong rơngei hiôk hian, jang hơdoi păng hơtŏk tơ-iung kơjăp sơđơ̆ng.