Chih iŏk păng vang tơroi dôm tơdrong pơmat tat đơ̆ng rim tơring, Khŭl kơdră chĕp kơ̆l Jơnŭm pơgơ̆r kon pơlei dêh char Đắk Lắk athei dôm bơngai tang măt Jơnŭm pơgơ̆r kon pơlei hơtŏk ‘lơ̆ng hơnăp jang, jang kiơ̆ athei đơ̆ng Đảng, teh đak păng Quốc hội; hơtŏk ‘lơ̆ng tơdrong jang.

Yă Cao Thị Hòa An, Kơdră chĕp kơ̆l Jơnŭm pơgơ̆r kon pơlei dêh char Đắk Lắk roi tơbăt, đơ̆ng dang ei truh pôk rơih Quốc hội păng Jơnŭm pơgơ̆r kon pơlei rim tơring sơnăm 2026, tơdrong jang đơ̆ng jơnŭm pơgơ̆r kon pơlei rim tơring tôch kơtih kơna athei hơtŏk loi dơ̆ng dăr hơlen, chih pơkeh dôm tơdrong tơchơ̆t; hơtŏk loi dơ̆ng dăr lăng dôm tơdrong bơngai tăh hla bơngơ̆t truh, chă ƀôh dôm tơdrong pơgăn hơdai hăm tơlĕch ăn trong jang hơmet pơ ‘lơ̆ng.