Quân khu 5 kơchăng bơ̆jang kiơ̆ Tơdrong jang Quang Trung
Thứ sáu, 09:59, 12/12/2025
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Bơ̆ jang kiơ̆ Tơdrong jang Quang Trung hăm jơhngơ̆m đon jang hrĕnh, hloh 1 giĕng âu ki, rim anih jang găh Quân khu 5 păng Anih tơm vei lăng Khŭl lĭnh hlôi păng tŏk bŏk hăt hot jang pơkeh dôm tơdrong jang man, pơm hơmet ming hnam oei tơgŭm kon pơlei tơring ‘mi kial đak lơ̆p kiơ̆ blep trong tơlĕch ăn.
Lơ̆m khei ‘năr hăt hot, dôm anih jang hơvơn hloh 230 khŭl jang hăm vă jê̆ 6.000 ‘nu kang ƀô̆, khŭl lĭnh vang tơgŭm năr jang pơm hnam oei tơ̆ dôm dêh char pơlei tơm đơ̆ng Đà Nẵng truh Khánh Hòa.
Ưh kơ mơ̆ng tŏ ‘mi kial kơnê̆, dôm anih jang bơ̆jang hơdai kơjăp hăm khŭl kơdră tơring tơtĕnh hơmet ming trong man kiơ̆ ‘meh vă rim ŭnh hnam kon pơlei nhen hơtŏk hơnă, hơtŏk tơnăr, pơih să teh. Lơ anih jang hơmet ăn trong jang “pêng ‘măng, puăn grŭp, dôm khŭl “lĭnh jang” jang prăt năr păng tơgĕch jang kơmăng tŭn hrĕnh tơdrong man hnam tơgŭm kon pơlei hăm tơdrong hơgăt jang đang hơdrol Tết Nguyên đán.
Viết bình luận