Pơma pơgơ̆r tơ̆ hop akŏm, Tổng Bí thư Tô Lâm chih iŏk dôm nơ̆r tơgop ‘lơ̆ng, kiơ̆ yan âu đơ̆ng dôm bơngai tang măt, hlôi lăng ‘lơ̆ng dôm jơnei iŏk đei păng apĭnh lơ trong jang gĭt kăl vă tơdrong jang tang găn sa pơgơ̆m pơjĭp, brăh brư kơ Đảng, Teh đak roi ‘năr roi ‘lơ̆ng. Đơ̆ng rŏng tơƀôh hơdăh 1,2 tơdrong oei tam mă ‘lơ̆ng, Tổng Bí thư athei, tơ̆ hơnăp kơnh ưh kơ gơh pơm pơ hơi, lăp đon hăm dôm jơnei hlôi iŏk đei mă kăl tơlĕch jang mă brĕ, kơtang, hơdrin, ưh kơ đei tơring kơ̆m ưh kơ pha hăm 3 ‘meh vă păng 5 tơm.

‘Noh jĭ athei tơlĕch ăn đei yua ăn teh đak, hơdrĕch hơdrŭng, đei yua ăn kon pơlei kăl hloh, tơgop pơjing Đảng păng khŭl jang chĭnh trĭ rơgoh, pran kơjăp, đei yua, ‘lơ̆ng, pơvih ăn kon pơlei păng pơtrŭt hơtŏk tơiung teh đak. Mă 2 ‘noh jĭ athei khŏm jang, hơdrin, hơnơ̆ng, sek phak tơpăt, ‘mêm mơnat, ưh kơ đei tơring kơ̆m, ưh kơ đei pha. ‘Meh vă mă 3 ‘noh athei tơplih pran jing tang găn hơdrol, tơm ‘noh jĭ hơtŏk hơnăp jang, tơdrong iung jang dôm khŭl jang Đảng tơring, đơ̆ng tơdrong dăr hơlen đơ̆ng kon pơlei, ưh kơ lê̆ pơm glăi iĕ, akŏm jing pơm glăi tih, ưh kơ lê̆ đei ƀôh dơ̆ng dôm tơdrong pơm glăi so.