Pơma hơdăh, khei ‘năr đơ̆ng dang ei truh Hop akŏm Đảng lơ̆m teh đak ‘măng mă 14 lăp oei pă hloh 5 khei dơ̆ng, kiơ̆ Kơdră Quốc hội, tơdrong jang vă jê̆ truh kơ Quốc hội gô athei akŏm hơmet ăn ‘Măng hop akŏm mă 10, ‘măng hop akŏm hơtuch kơ Quốc hội jăl 15, hơmet ăn pôk rơih Quốc hội jăl 16 păng Jơnŭm pơgơ̆r kon pơlei rim tơring jăl jang 2026-2031. 

Kơdră Quốc hội athei, Đảng ủy Quốc hội tơtĕnh jang đang Hla ar kăl, vei sơđơ̆ng mưh đĭ đăng Anih tơm chĭnh trĭ bơ̆jang hăm Đảng bộ Quốc hội vă pơdrơ̆ng kiơ̆ athei jing Hla ar kăl chih hơmet tôm ‘lơ̆ng. Hop akŏm hlôi bơ̆jang kiơ̆ trong jang athei bơngai tang măt tơpă vang truh Hop akŏm Đảng bộ Quốc hội ‘măng mă I, jăl jang 2025 -2030; bơngai tang măt hơmet hiă vang truh Hop akŏm bơngai tang măt Đảng bộ Quốc hội ‘măng mă I, jăl jang 2025-2030; bơngai tang măt kơ Khŭl bơngai tang măt Đảng bộ Quốc hội vang truh Hop akŏm bơngai tang măt lơ̆m teh đak ‘măng mă XIV kơ Đảng.