Kiơ̆ trong vă jang, sơnăm 2025 Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng dêh char Gia Lai vă tơmât hơdai Anih mong, đŏk hla ar dêh char, Anih mong, đŏk hla ar Pleiku, Hnam hơri hơxoang dêh char păng Anih pơtho hŏk chok Bình Định jing 1 anih jang kơ teh đak.

Truh sơnăm 2026, hơnơ̆ng tơmât hơdai Anih ‘măn răk tơmam dêh char Gia Lai hăm Anih ‘măn răk tơmam Pleiku; Anih pơtâp pơhrăm păng thi tơplŏng kơdâu dêh char hăm Anih pơtâp pơhrăm, thi tơplŏng kơdâu Pleiku, atŭm hăm ‘nŏh hơtŏk tơdrong chă jên jang kơdih kiơ̆ trong đei tơlĕch. Hnam hơri hơxoang Đam San, Anih ‘măn răk tơmam Quang Trung păng Anih jŏh ayŏ kơ dŏ xoang dêh char đei vei thoi đêl, bơ̆ jang kiơ̆ trong chă jên jang kơdih. Tơdrong tơmât hơdai anih jang, hơtŏk tơdrong đei yoa mưh bơ̆ jang đơ̆ng anih jang kơ teh đak, lăp hăm rim tơdrong đei tơ̆ yăn âu tơ̆ tơring.