Thủ tướng athei Anih vei lăng tơdrong jang Man cham gre păr apŭng plenh teh Long Thành akŏm tôch ai anih iŏk jang, klăih song pơm "3 ka, 4 kip", bơ̆ jang prăt măng, prăt năr, pơjing jơhngâm hưch hanh, bơ̆ jang pran; hơnơ̆ng vei rơgŏh cham char, chưk hơmet, pơtăm ming ‘ngiĕt tơ̆ trong hơlam, găh hơlĕch păng pơmât kơ cham gre păr.

Thủ tướng athei Quân Khu 7, Anih tơm vei lăng khul linh, tơgŭm dơ̆ng bơngai, dôm khul linh kŭm hăm Anih vei lăng tơdrong jang man Cham gre păr apŭng plenh teh Long Thành hơmet rơgoh cham char, adrin vei lăng ‘lơ̆ng rim tơdrong vă sơng gre păr mă blŭng lơ̆m ‘năr 19/12 truh âu kơnh. Thủ tướng lui, dôm anih jang đei ƀơm truh vă hơnơ̆ng adrin, khŏm bơ̆ jang pran hlŏh dơng vă jăh man đang, tơmât yoa cham gre păr Long Thành tih, ‘lơ̆ng kơ apŭng plenh teh hiôk hian, jang atŏk tơiung mŭk drăm hăm anih jang gre păr kiơ̆ nơ̆r pơtho đơ̆ng Tổng Bí thư Tô Lâm.