Tơ̆ jơ bơ̆jang, bơngai tang măt kơdră chĕp kơ̆l Kŏng ti Pơm tơlĕch păng Tĕch mơdro VinFast hlôi roi tơbăt hăm khŭl bơ̆jang păng Phŏ Thủ tướng Nguyễn Hòa Bình dôm jơnei kơ sơnăm 2025. Kơsô̆ đei jô̆ hơlen akŏm truh đĭ khei 11, kŏng ti tĕch đei 147.450 tong gre ô tô điện, tơƀôh hơdăh ‘măng mă blŭng hơnăn âu yak hloh 100.000 tong ô tô điện tĕch ăn lơ̆m 3 jăl khei blŭng sơnăm.

VinFast kŭm tŏk bŏk hơdrin hơtŏk kơsô̆ lơ̆m teh đak tŏk hloh 80% lơ̆m sơnăm 2026 păng pơih să pran anih tĕch mơdro jơ̆p plĕi teh hăm dôm hnam kơmăy vă jê̆ et hơtŏk tơ̆ Ấn Độ păng Indonesia. Phŏ Thủ tướng pơma hơdăh, Khŭl kơdră teh đak gô hơnơ̆ng vang yak hơdai, pơm tơdrong hiôk ‘lơ̆ng hloh vă dôm anih mơdro sa kơmăy kơmŏk ‘nao nhen VinFast păng Hateco jang tŏk ‘lơ̆ng.