“Tơbăt 100 sơnăm Năr Khul chih kơtơ̆ng ang Kĕch mang Việt Nam păng pơma dơnuh gah trong bơ̆ jang, tơgum djru, khul jang ăn bơ̆ jang chih kơtơ̆ng ang, tơ iung pơjing khul bơ̆ jang chih kơtơ̆ng ang trŏ lăp hăm tơdrong pơkoel atok tơ iung lơ̆m chăl hle” ‘noh hơnăn Hop akŏm kơ yuơ Hơnih vei lăng Joh ayŏ, Đă ƀŏng lŏng tơplŏng kơdou păng Tơmang pơhiơ̆ Dak Lăk, Khul Bơngai chih kơtơ̆ng ang dêh char, Hơnih pơtho tơbăt păng Pơrô̆ pơrôp kơ Đảng dêh char Dak Lăk vang pơgơ̆r kơsơ̆ năr 17/6. Tơ̆ hop akŏm, rim bơngai tang măt vang pơma dơnuh găh tơdrong long lơ̆m chăl ‘nao, tơlĕch trong tơ iung pơjing khul bơ̆ jang chih kơtơ̆ng ang trŏ lăp hăm tơdrong ‘meh vă atŏk tơ iung. Kiơ̆ đơ̆ng Bơngai chih kơtơ̆ng ang Đàm Thuần, Kơ iĕng Kơdră chĕp pơgơ̆r Ƀăo Dak Lăk, tơdrong pơkoel roi năr roi kơtang găh tơdrong tơplih kơsô̆ păng chih kơtơ̆ng ang ‘lơ̆ng, bơngai bơ̆ jang chih kơtơ̆ng ang kăl vei kơjăp jơhngơ̆m đon bơ̆ jang ‘lơ̆ng kĕch mang, jơhngơ̆m đon bơ̆ jang  tơpăt lơ̆m bơ̆ jang. Adoi kăl bơ̆ jang hơgei, băt hơdăh dôm tơdrong lơ̆m tơring bơ̆n iŏk vei lăng, kăl dôm kon pơlei kơsô̆, bơngai chih kơtơ̆ng ang kơsô̆. Bơngai tang măt jei drơ̆ng mĭnh nơ̆r, hăm tơring kăl nhen Dak Lăk, tơdrong pơtruh kơtơ̆ng ang ƀlep, tơtom, kăl truh hăm kon pơlei, mă kăl hăm kon pơlei oei tơ̆ tơring hơtăih yăih, tơring kon kông, ưh khan lăp tơdrong bơ̆ jang kăl mă oei hơnăp jang chinh trĭ, jơhngơ̆m đon ‘lơ̆ng kơ bơngai jang chih kơtơ̆ng ang dơ̆ng.